-8المناطق البحرية(بينانج) و (لنكاوي) ما تحتاج لشرح كثير..لأن الكل يعرف البحر...

بس في ملاحظات أقولك هي: اتأكد قبل ما تروح ان الفندق الي رح تاخذه يقع على شاطئ البحر مباشرة و لا تنسى تسأل عن الأماكن الأخرى الي ممكن تشوفها في هاذي المنطقة غير البحر و هذا عن طريق سؤال الفندق او سواقين التكاسي..
-إذا حبيت تاخذ ال(جت) في البحر..خذه بس حاول تراعي تعليمات صاحب الجت بانك ما تروح بعيد لشان لا يزعل..أو لشان يقدرون يساعدونكم لو لا قدر الله صار شي.
-البس جاكيتات النجاة...و لا تقول ما ابي او ما رح احتاج لأن إذا وقعتوا بالبحر يسهل عليكم الطلوع.
-لا تتعامل مع القرود الموجودة في هاذي المناطق و الي في العادة بتنزح ع الفنادق بسبب تعامل البعض معها...ممكن تلقاها في (البلكونات) أو (الشرفة) الموجودة في غرفة الفندق..لا تخاف منها..بس احرص ان يكون باب الشرفة مقفول...و حاول انك إذا خرجت ملابس البحر لنشرها على الشرفة انك ترجعها قبل بزوغ الفجر لأن هذا اكثر وقت يكثر فيه نشاط هاذي القرود.
اي ملاحظة لشان تلقى استحسان من حبيبتك ...لا تقول ما أبي أركب(براشوت)و الي هو المنطاد بالفصحى..او لا تقول ما ابي اركب هذا او ذاك..ترى احنا البنات ما يعجبنا الرجال الخواف..خليك معقول و مقدم و شجاع..و إذا هي خافت تركب شي شجعها و قولها انك رح تكون معها...
اي ممكن تلاقي متخصصين للغوص و كذا..حاول تستفسر منهم كيف ممكن تغوص معهم او اي شي ...
ممكن تركب0البانانا بوت) و هو قارب منفوخ...يسير في البحر و في بوت آخر يسحبه...هذا حلو كثيييييييير خصوصا لو خليته يمشي على آخر سرعة..لانك رح تفضل اعصابك مشدودة لا توقع بالبحر و حاسس بإثارة شديدة بسبب السرعة...و النتيجة انك رح تنبسط كثييييييير اكثييييييير حتى لو انتابك خوف اثناء الركوب بسبب قلقك من الوقوع..و رح تنبسط أكثرو اكثررررر لو وقعت بالبحر رح تنبسط كثير كثير بالوقعة..و بالرغم من مرور الشهور و السنين رح تتذكر كيف وقعتوا و ايش صار و كيف حاولت تطلع و ما رح تنسى هذا الشي ابد ابد إن شاء الله. بس المهم إنك ما تكون اعذرني ع الكلمة(خواف)...و لا تنسى تجلس مرتك قدامك لشان تنتبهلها بنت الناس

20-اي في بينانج في متحف لحرب وقعت بين بريطانيا و اليابان...و هذا المتحف يبينلك اشياء الحرب الي كانت مستخدمة بما فيها زنزانات الجنود..و سجونهم..اسرتهم الي كانوا ينامون عليها و كذا يعني بقايا حرب..يعني حلو انك تشوفه لمجرد التغيير...


إي نجي الحين للملاحظات و التحذيرات...و قبل كل شي أقولك يا خوي ابدأ يومك و خرجاتك دايما الساعة 9 صباحا..لأن الاماكن تقفل بدري يعني ما ينفع مثل البلدان العربية تلقون الأماكن كلها مفتوحة الساعة 10 بالليل.

1- لا تتلخبط في الأسماء..لأن كثير عرب يكون صعب عليهم يحفظون أسماء الأماكن و الشوارع...فلا تنس تجيب و رقة و قلم و تكتب الأسماء فيها لشان لا تنساها و انت بالشارع و ما تعرف كيف ترجع.

2-كل ما تتحركون من الفندق لمحل مثل سوق او كذا اعرف كم سعر العداد حق التاكسي..لشان بعد كذا يسهل عليك اكتشاف مين يغشك بالعداد إذا السعر فاق العادة بكثير.

3- اي سعر التوصيل من المطار للفندق في الأساس هو 60 رنجت..بس احيانا اصحاب التاكسي يريدون يزيدون خلي اقصى شي 80 رنجت و غير كذا لا تقبل..و الأفضل انك تركب مع واحد يشغل العداد...و حاليا صار في مثل التذاكر لشان تاخذ تاكسي من المطار يشغل العداد من غير ما يغش بيه.

4- رح تلقى بعض السواقين و في العادة الهنود يعرفون يلعبون بالعداد و يصير العداد يحسبلك اعداد رهييييييبة...إن صادفك هذا الموقف اطلب من السائق يوقفك فورا و ادفع له المبلغ لشان المشاكل مع تنبيهه ان عداده مو بزين.

5- لا تصدق السائق الي يقولك احنا بهاي المنطقة ما نستخدم عداد..لانه هاذ الكلام مو بصحيح.