جزاكم الله عني كل خير بصراحه كنت اقرا ردودكم وانا ابكي
اشكركم من كل قلبي على سعة صدوركم ودعائكم لي بضهر الغيب
اول مرة اجرب اشكي واقول اللي بقلبي والحمدلله انه كان لكم هذا البوح فانا احس براحه ماتصدقون كيف شكبرها يكفي ان احد بهالدنيا حس فيني وتعاطف معاي ودعالي لوجه الله
اشكرك اختي aim واختي ام كريم واعتقد هالحل هو الاول بالنسبه لي
...................
دفء الحياه
انا مااعرف السبب الحقيقي غير ان ابوة كان قاسي جدا مع امه ومعاهم هم بعد لدرجة ان زوجي ترك له البيت رفضا على تعامله القاسي جدا معاه ومع اخوانه وامه وعاش بعيد عن اهله والى الان علاقته بابوه سطحيه جدا واجد انه مو من الطبيعي انه طوال عمرة رافض قسوة ابوة وبعدين يجي هو ويكرر نفس الشي
ومن ناحيه الانفاق بحدود ضيقه جدا يعني مسموح لي اشتري لبس بالاعياد ومو مسموح اشتري اي شي غير اللبس يعني اي شي غير اللبس بالعيد يعتبر كماليات والكماليات مرفوضه
هذا الشي ماكان مضايقني فانا كنت لمى اروح لعند اهلي اشتري اللي نفسي فيه لي وله بعد
وابشرك اختي انا عندي شهادة جامعيه ودبلوم كمبيوتر يعني جلستي وياه وصبري مو لحاجة ماديه ابد والله
علاقته بصراحه بالولد سيئه جدا لدرجه اني ماتركه يحتك فيه كثير احاول اشغل ولدي باي شي لانه لما اخذ اجازة شهر بالفترة الماضيه وكثر احتكاكه بولدي والصدامات كثرت بينهم اصيب بولدي الغالي بتبول لا ارادي واصبح مايروح لدورة المياه ابد والحين الحمدلله لما ابعدته عن ابوة قدر الامكان رجع ولدي طبيعي الحمدلله
وقلتلك عزيزتي انه هذي اول مرة افتح فمي واشتكي
وبالنسبه للايجابيات والله انا وصلت لمرحله ماعدت اشوف فيها اي ايجابيات
ومشكورة
...............................
مشكورةhasarym على كل الحلول اللي قلتيها وصدقيني راح اجربها لكن ابي ابتعد عنه بالاول واعرف افكر
..............................
عزيزتي (امي)ابوة وامه مو منفصلين لكن سبق وقلت ان علاقته بابوة جافه وسطحيه جدا وامه احسن بقليل وان كان ليس الابن البار
وعندي ولد واحد
وفارق العمر سنتين فقط
................................
مشكوره اختي سيدرا ومعاك حق بكلامك
..............................
مشكورة اختي الصريحة جدا جزاك الله كل خير بالنسبه لاقتراحك الاول مااعتقد النقاش راح يجيب نتيجه لانه فشل على مر السنين
لكن راح اجرب الحلين الاخرين وزي ماقلتي اعتقد الفرصه بعدها بيدي ان ماتكون نهايتي بالمستشفيات
..........................
شكرا sfy ومااقول الا اللهم امين
................
مشمشه عمري مشكورة على ردك لكن اعتقدحتى لو الطلاق مر ماراح يكون امر من الالم اللي امر فيه كل يوم واسال الله ان يعوضك بحياه افضل وزوج يقدرك ويراعيك ويعرف حق الله فيك
..........
اختي زرقه البحر مشكورة على ردك ومثلك اللي قلتيه صح ميه بالميه لكن ماعرفته الا بعد فوات الاوان مشكووووورة
..............
dot مشكورة على مشاركتي مشكلتي وفعلا انا خسرت كثير ومابي اخسر اكثر اما بالنسبه للامور اللي ماذكرتها فيقول المثل خليها في القلب وتجرح ولا تطلع برا وتفضح وتوكلت على الله في كل امري
...........
اخوي الشقه مشكور على الرد ومعاك كل الحق فانا من يوم تزوجت عمري مااستعملت اسلوب القوة سواء مني باتخاذ موقف او بالاستعانه باحد من اقاربي وكان شعاري الزواج مودة ورحمه ولكن الظاهر هذا هو الصح ومكرها اخاك لابطل

...........
جزالك الله خير اخوي فيص على دعواتك
...........
حنتوشه اسال الله ان يفرج كربه اختك وان يفرغ عليها الصبر وان يفتح لها ابواب الفرج
...........
مشكورين اخوتي زهق ولكن _الفقير الى الله واسال الله ان يفرج كربتي