الى الجميع...اسعدني مروركم وبالعكس انا لما قالي زوجي اسألي احد ممكن يفيدك مالقيت من الناس احسن منكم لانك بتصيرون صريحين معي..اسمحوا لي يكون ردي عليكم جماعي...

السبب لاني ابي اعيش معه لاني اقدره ومتاكدة ان الحلو مايكملشي ولو دورت انسان على مزاجي اكاد اجزم باني راح القى فيه صفات سيئة ويمكن سيئة جدا..يعني انا متمسكة فيه..ومازلت

هو يقول انه راح يتغير عشاني وانا ما ابي هالشي لانه مو دافع قوي انا ابيه يتغير لنفسه

انا بشهادته زوجة رائعة والحمدلله..والله العالم انه مو قصدي غرور ولكن قلت الي قلته لتوضيح مو اكثر..

لما قلت ان اول زواجنا كان كوارث فانا اقصد ( العصبية والضرب والشتم) وعلى طاري الاختيار قالي في( شهر العسل) انه ما كان يبيني وان اهله فرضوني عليه

انا ما حبيت اذكر امثلة لانه مو هاين علي اتكلم عنه كذا لكن اذا تطلب الامر لازم اوضح:
في مرة جا لي وقال انه مرقم بنت وأنا وهو تونا قايمين من فراش الزوجية!!! بس بعدين رجع وقال لي انه يكذب وبرر الموضوع بانه كان يبيني اغار عليه !!!!! وانا مصدقته لاني واثقة في واعرف انه مستقيم

ليش قلت له اني ما احبه.... وقلت له تزوج لاني ما ابي اظلمه واظلم نفسي معاه هو من حقه يلقى انسانة تفهمه..5سنين كانت تكفي اني اعرف حقيقة شعوري وصدقوني لما افكر بالموضوع تتملكني الغيرة لكن غيرة التملك مو غيرة الحب

انا لما اتكلم عن الجهل فانا ما اقصد الامية الرسول عليه السلام كان امي لكن كان افضل الخلق في التعامل وخصوصا مع النساء

هو يعرف اني احبه واعزه ودايم اقوله ان اقصى درجات الزعل عندي اني اخاف الله فيك يعني اقوم بواجباته حتى وانا زعلانة

انا مقتنعة بكلامكم بس وش الحل ..الرجل اكثر من كذا مايقدر يتغير وهو بنفسه يقوله...وانا واجهته بمشاعري لاني ما اقدر اكذب اكثر من كذا....؟؟؟
ياليت تتحملوني وتردون علي ...بس قبل كذا حطوا نفسكم مكاني