انا بعطيك المفتاح السري لكل مشاكلك وهو
(قوي علاقتك بام زوجك)
وزوجك ما قالك لا تطلعين كثير وهالحركات الا لانه متضايق من بعدك عن امه صدقيني ولو حسنتي علاقتك بامه وطلعتي كل يوم مارح يقولك شي وتتذكرين كلامي
تقربي منها حاولي تجارينها بزياراتها واضغطي على نفسك شوي عطيها هدايا وقدامك عيد الاضحى اشتري لها دهن عود ولا شيله ولا اي شي يصلح لها هي وابو زوجك ترا لهم حق عليك اهديهم وسولفي معهم انزلي فتره الظحى عندها تقهوي معها تقربي منها نزلي عيالك عندها حاولي تتقربين منها باكبر قدر ممكن وتقبلي منها كل اللي تقوله برحابة صدر حتى لو ذبت عليك او رمت عليك بالكلام قصدي ردي عليها باسلوب وتقبلي كل اللي تقوله ولا تسبينها عند زوجك مهما كان السبب وبالنسبه للسايق والخدامات انتي بشخصيتك تقدرين تفرضين احترامك عليهم واللي يناديك باسمك لا تردين عليه وبعد كذا ممكن تشتكين لام زوجك بعد ما تكونين قويتي علاقتك فيها بتسمع منك اكيد
خففي طلعات التمشي شوي واهلك حددي يومين او ثلاثه بالاسبوع تروحين لهم وافرضي على زوجك يوم او يومين بالاسبوع يطلعك انتي وعيالك تروحون سوق ولا مطعم ولا اي شي
وبالنسبه لمبادئك لا تتنازلين عنها مهما كان بس ممكن تحطين في غرفتك ماكرويف وثلاجة لو فيه مكان عشان ترتاحين شوي من دخلت المطبخ كل شوي وفهمي زوجك انه اذا يبيك تطبخين لازم ينبه على السواق ما يدخل فترة وجودك بالمطبخ او ممكن تاخذين معك جلال الصلاة واذا دخل السايق تتغطين وتطلبين منه يخلص ويطلع بسرعه بعد كذا ممكن يستحي ويحرص ما يدخل اذا درا انك موجوده بالمطبخ
بالعربي انتي قوي شخصيتك شوي انتي مرة سلبيه بتعاملك في البيت
حسسي نفسك انك راعية بيت علشان تقدرين ترتاحين خصوصا انكم ناوين تعيشون واجد في البيت احسن لك من تمرمطين زوجك وتخلينه يطلعك في بيت وتنحاسون ماديا الافضل توفرين عليه مدام ظروفه ماتساعده وانتي خليكي اقوا من كذا وافرضي وجودك في البيت
انتي عازله نفسك بغرفتك وهذا اللي مخليك تزهقين وتبين تطلعين كل يوم
ضروري تغيرين طريقة حياتك