اهلين اختي شمة الحب
تر الموقف اللي صار معك عاااااااااااااااادي
ويصير بأحسن العائلات

كل زوجة تتوقع من زوجها حالة الاحباط هذه ( توقع الأسوأ يهون النتيجة)
ولكن لا تيأسي
عاودي هذه الحركة مرة أخرى وتحري الوقت المناسب
فليس شرطا ان يكون ذلك آخر الليل بعد ان يكون الزوج قد استنفذ كل طافته
بعد المغرب أول العشاء أوقاتا قد تكون مناسبة

ثم أنصحك اذا وجدتي من وزجك عدم الاهتمام ألا تغضبي وتحرقي دمك لان الموضوع ما يستاهل ياعمري

اذا سواها ثانية قولي له حسافة مالك بالطيب نصيب ( خليه يحس انه هو الخسران )

وبعدين ماشاء الله زوجك حنون شكله يعني جاء وقالك تعالي يوم زعلتي
خليك مرنة وخذي الموضوع ببساطة
وقولي انا زعلانة وابيك تراضيني
غصب طيب تراضيني..........ولاتزودينها حبتين سهليها وخلي الزعل والألم وحرقان الأعصاب للأشياء اللي تستاهل

اما عن حكاية انه زوجك بارد وما يسمعك كلام المدح
تغزلي فيه
ودلليه
وامدحي ملامح وجهه وجسمه وعضلاته ويده وساقه ( قريت مره ان هذه هي المناطق التي يحب الرجل ان تمدح فيه ) وذوقه في الملابس وكلامه الحلو
اذا قالك كلمة واحدة حلوة اشكريه وكافئيه بعشر مثلها او احسن منها
واذا ما سمعتيها منه
اطلبيها
أحيانا الرجال تفوتهم الأشياء هذي _ ولانلومهم بحكم البيئة الجافة اللي تربوا فيها _ تر عادي مرة اذا طلبتيها
بتستصعبينها أول مرة بس بعدين خلاص بتاخذين عليها وتمونين
ولما تسمعين الكلام اللي تبينه منه بترتاحين وتنبسطين كثير
فليش تحرمين نفسك واياه من هالسعادةّ؟

سوي اللي قلتلك وطمنينا على اخبارك
ودمت في حفظ الرحمن

__________________

أحسب إنك غير وأثرك مثلهم...
أحسبك من نور واثرك من تراب!!
عفت عذبي ورحت تشرب خثلهم...
ما هقيت إنه بيغويك السراب!!