السلام عليكم ورحمة الله وبركاته


كل عام وانتم بخير خواتي واخواني


والله مو عارفه شو اكتب ولا شو اقول
مافي خطابه مشهوره وثقه سمعت عنها الا وكلمتها وطلبت منها المساعده حتى والله اغريهم بالمال عشان يجتهدون في الموضوع
وكثير تعثرت وكثير انصب علي لكن الحمدلله مو في مبالغ كبيره شي بسيط لكن بنهايه الي اخذته والله لا يسمن ولا يغني من جوع
المشكله اني جربت كثير وكلهم يا يقولي ما لقينا اصبري وبعدها ماحد يرد على مكالمتي ابد واتصل واتصل لا رد
انا التمس لهم الف عذر لكن توصل نتصل بشهور ولاحد يرد
والله لولى حاجتي لهم ما سمت وجهي عندهم واتصلت

فيه وحده معطتني رقم اخت وتقول اتصلي انا جدا متردده واخاف يصرلي مثل الي قبل

رزقي على خالقي وبيرزقني وما الخطابات الا سبب وانا اساعد نفسي مثل ما ربي امر بسعي للخير لنفسي والستر هل انا غلطانه
المشكله ماعندي شروط اقولهم رجل اخلاق ويصلي وقبيلي فقط لا يهم اين ساكن ولا كم راتبه ولايهم شي
مو عارفه ماني حابه انصدم
والله كل ما اكلم وحده اترجاها انها ترد حتى لو ماعندها شي لاني انقهر
انا ما اختار اي وحده واكلمه انتقي الافضل لكن ما العمل هل استمر ام اجلس انتظر المجهول؟؟؟