السلام عليكم ورحمة الله وبركاته



اليوم بكتب لكم موضوع وحدة من ربيعاتي ..أمس كانت عندي وشكتلي من ريلها
المهم أنا قلت بعرض مشكلتها عالمنتدى يمكن أساعدها .. الله يعينها..





تقول :هي صارلها متزوجة 5شهور بس وكانت فترة الملكة 11شهر .. المهم طول هاي الفترة وهو يقولها إنه ما يدخن وإنه ملتزم بالصلاة ... المهم بعد الزواج ب4أيام في ماليزيا (تقضية شهر العسل) قعد وولع سيجارة قدامها وعذره كان إنها زعلته ..(بس إذا زعلته هذيك اللحظة من وين له السيجارة أكيد يدخن) وبعدين اعترف لها بإنه يدخن و يشرب شيشة ويسهر للفجر مع ربعة .. عقب يوم ردت من ماليزيا تعذبت معاه بسبب سهره برى وماصارلهم إلا 11يوم بس .. وماكان يحس فيها وهي تكشخ وتنتظره لين نص الليل وهو ولاهمه أو يسهر مع أهلة لين الفجر وياليت كان يقولها تعالي اجلسي معانا (تعرفون هي كأنها غريبة توها وصلت من السفر وتوها عرست)..والمشكلة إذا هي تبى تقعد معاهم ريلها ما يسمح لها تطلع من الغرفة وهي حاطة مكياج وهو يطلع بعد هي ما تكشخ وتلبس وتتدلع حق الليل شو تسوي المسكينة... صبرت وأحيانا كانت تكلمه .. وكلمت أخته .. وهو لا حياة لمن تنادي وأحيانا كانت تبكي لين مايرد ولما تشوفه تنسى وتبتسم وترجع طبيعية ...

ومرت الأيام وفي رمضان هذا عالأواخر قالت إنها غصبته هي وأمه على إنه يروح المسجد للتراويح وهم راحوا معاه .. المهم بعد هذاك اليو اعتدل وبطلت السيجارة وصار كل صلاة يصليها في المسجد وما يسهر برى وايد (صح إنه ما يطلعها يمشيها لا الحين ولا أول حتى ولو هي طلبت إلا مرتين من أول ماعرسوا قالها تعالي نطلع ) بس هي ناسية السالفة لأن هو اللي طلب منها تنسى السالفة .. وكانت وايد مستانسة وتدعيلة
والحين رجع مثل ما كان ( كله من ربعه) يروح يسهر برى لين نص الليل وما يهمه بالوقت ولما يقعد معاها يتمي يحسب الساعات ( يقول لازم ننام 8 ساعات لو نمنا الساعة....بنقوم الساعة.... وهكذا) ورجع يدخن ويأخر الصلاة وما يصليها في المسجد ..... المهم هي واايد متضايقة تبى حد يساعدها ممكن تكون انت اللي تعيد البسمة لها .. أرجوكم ساعدوها ....