اخوي اغلب العوانس يعيشون نفس خالتك
اقصد تلقاها تظهر سعادتها وعايشة حياتها
والناس يعتقدون انها سعيدة

لكن محد يدري عن اللي بداخلها
وترى انا منهم
الكل يعتقد اني سعيدة
بالعكس حتى يحسدوني على تفائلي وصبري وما يدرون عني

المشاعروالكلام اللي كتبته في المنتدى والله محد يدري عنه ولا عمري قلته لاحد حتى اقرب الناس لي

لكن انا كنت محتاجة للتعبير عنها والبوح بها فما لقيت الا هالمنتدى
على الاقل محد يعرفني واقدر اقول اللي بخاطري دون لوم او شفقة
لان الناس من حولي يبحثون عن الشخص السعيد لا المهموم
مو ناقضين بعد يعزلونا

ولا اعتقد خالتك راح تقول الحقيقة
بل تكتمها في قلبي
حتى انا لو احد سألني هالسؤال راح اقول هذا نصيبي وانا راضية فيه والحمدلله انا احسن من غيري
لكن في الداخل ؟؟؟؟؟الله يعلم بمدى حزني وهمي