اخوي هذي 10 سنوات مو سنه والا ثنتين ليش خايف تجرحها كلمها كاش عادي

وبعدين مبين من زوجتك ماينفع معاها التلميح ولا ضرب الامثله ولا التهديد بالزواج

ماينفع معاها هذي الا الصراحه الجريئه جداً

ولازم تفهم ان فيه امور مشتركه بين الزوجين ولازم يهتم فيها اذا مو له فلشريك حياته

وهذي المشكله ضررها الكبير بيكون عليك انت لانك شريك حياتها

ومو مهم الناس ولا العيال اذا تضرروا تمشي الحياه لكن المهم انت

ومو مهمه رائحة فمها بالنسبه لك لو انها بعيد عنك بس بما انك تعاشرها وتنام معاها لازم مايطلع منها اي شي يقرفك

يعني غصب عنها مو بكيفها لازم تحل مشكلتها مو لها لكن لك انت لانك بتقبلها وبتنام معاها وهذا من حقك الشرعي

اخوي تبي مني الحل !!!!!!!!!!!

اشتر لها مزيل عرق وعطور للجسم وفرشاة اسنان بمعجون له رائحه حلوه وعلوج وخلهم عندك بغرفة النوم

وقولها قبل تنام معاك انها تستخدمهم لك لانك ماتتحمل تعرق ولا تتحمل رائحة فمها لانها تضايقك

خلك صرريح معاها وكلمها كاش وبعدين انت قايل ماتحبها يعني معناها ماتهمك مشاعرها

وانت ماسويت هالشي الا بعد ماعجزت فيها و لانك مو قادر تتحمل ريحتها وبنفس الوقت ماتبي الحرام

فخلاص ياخوي بعد شتسوي الا مسالة النوم شي لا يطاق!!

المفروض انه وقت للمتعه ويحرص فيه كل الزوجين بمتعة الاخر وراحته مو يكدر عليه

وعني انا صريحه جداً مع زوجي احرص مايشوف مني اي شي يضايقه
وانا بعد اذا شفت منه شي ممكن يكدرني وقت النوم اقوله كاش
يعني احيانا يكون نايم فيطلبني زوجي للنوم وانت تدري وقت النوم لافرشاه ولا اكل ولازم رائحه
فاقوله طيب اوكي بس لو سمحت بدون قٌبل !!! انت نايم ومو ماكل شي واذا مصمم على القُبل روح غسل اسنانك بمعجون والا كل لك علوج !!

خلاص تعود علي وعلى صراحتي وهالشي مايزعل مثل ماهو يبي يستانس انا بعد ابي استانس ومانقرف !!!!

ملاحظه......
لاتقارن زوجتك بالحريم اللي كنت تعرفهم
ولو تبي تقارن بينها وبينهم فلازم بعد تقارن بين تصرفك معاهم وبين تصرفك مع زوجتك
وهل انت بذلت لها او عطيتها من الحب والمشاعر نفس اللي عطيت الحريم اللي كنت تعرفهم؟؟
وقول الحمدالله زوجتي ممكن ماتهتم بنظافتها او رائحتها انها تكون طيبه بس اكيد تهتم بشرفها وعرضها انه يكون اطيب من الطيب
وقول الحمدالله زوجتي انا واثق انها لي وبس مو مثل اللي اعرفهم لي والله واعلم من بعد قبلي !!!!


والله يوفقك ويصلح حالك وزوجك

وبالتوفيق

__________________