السلام عليكم ورحمة الله
هذي اول مشاركه لي بعد انتظار انا متزوجه منذ 7 سنوات وعندي طفلين متزوجه شخص مختلف عني بكل شئئئ وهذي المشكله ما اعرف اتعامل معاه للحين
مشاكل دائمه في البيت ودائم استغرب من الزوجات اللي يشكون غياب ازواجهم انا بصراحه افرح لما يطلع من البيت لان وجود يعني وجود مشاكل وكله صابره عشان اولادي اللي هما نقطة ضعف لي يتقولون ليش تزوجتيه ؟؟انا ما قبلت فيه وابوي الله يرحمه كان رافضه وبعدين خطبني مره ثانيه وافق عليه لانه الله يرحمه يقول بيفرح بزواجي على حياته وقال انه يعرفه وقريب لان امه تقرب لنا بس تفكيرهم وحياتهم غير عنا .
ومع هذا والله ماقصرت معاه من ناحيه عنايتي ببيتي واولادي ونفسي وحالته الماديه مو ذاك الزود وكان عنده ديون ما سددها الا بفضل الله ثم بفضل اهلي وانا ما قصرت ماديا معاه وساعدته حتى اللحين ملابس اولادي وملابسي وكل الكماليات وكل شئ يتعلق بي انا ادفعه لان حظرته ما يقدر على طلباتي حتى الخدامه انا جايبتها وادفع رواتبها مع العلم اني مو موظفه وكل هذا ما يصدق يشوف غلطه بسيطه يصارخ ويرفع صوته بطريقه ما فيها ذرة ذوق احيانا افكر انه يحس بالنقص وهذا الاكيد طيب ايش ذنبي؟ ما اصرف شئ عشان ما يحس اني ما احتاج له ؟؟حتى لما نطلع نتمشى الصوت مرتفع دايم والكل يدري عنا يعني انحرج دائما لما اكون معه واخر مره اتلفظ على ابوي وهو بقبره قلتله حدك وهزئته وسبيته بكلام ما ادري شلون طلع مني ومد ايده علي قمت اتصلت باخوي الكبيرعشان ياخذني لاني بمدينه واهلي بمدينه ثانيه وطلبت الطلاق واخوي بمحل ابوي كلمه اخوي وخلاه يعتذر وكان عذره انه عصبي وما مسك نفسه وهذا عذر واهي لانه يقدر يمسك نفسه عند اللي يبي وتطير العصبيه بكيفه المهم رجعت وكاني ماشيه على شوك وكله عشاااااان اعيالي والهم بقلبي ربي يعلم فيه ..
ارجوا اني ما طولت عليكم واتمنى تنصحوني وتوجهوني كيف اتعامل مع شخص كذا ؟وكيف انسى مواقفه وتصرفاته معي ؟

__________________
سبحان الله وبحمده ......سبحان الله العظيم