ساعدوني بنات
السلام عليكم خواتي هذي اول مشاركه لي في هلمنتدى الجميل]
ومحتاجة مساعدتك والله.
انا متزوجه صارلي 3 سنوات وعندي ولد ربي لايحرمني منه
مشكلتي اني اعاني من ظهور شعر في ذقني كنت اعاني منه قبل الزواج بس كان اقل والحين زاد معاي والله فشله كاعده احلق بالموس كل يوم. قالي الطبيب عندي هرمونات الذكور اقوى من هرمونات الانثويه وبسبب عدم انتظام العادة بعد. ولا تقولون سوي ليزر اخاف اشوه وجهي فوق ما هو متشوه من الشعر والموس وبعدين اليزر غالي ما املك ثمنه
سمعت مره عن ماء الحمص يخفف من ظهور الشعر هل هذا ينفع في حالتي؟ وشنوا فيه وصفات وخلطات طبيعيه تعرفون انه يفيدني
ارجوكم تساعدوني بنات ربي لا يحرمكم من الاجر ان شاء الله والله نفسيتي تعبت ابغى احس بالثقه بنفسي واحس اني بنت كدام زوجي على الاقل..