الصدر بعد الولادة .... ارجو المساعدة
مرحبا خواتي
انا عندي مشكلة وااااااااااااااااااايد متعبتني و اتمنى الاقيلها حل او اي نصيحة عندكم
انا عمري 23 سنه ..تزوجت من سنتين و عندي بنت عمرها سنه ... وللحين ارضعها
مشكلتي الترهل الشديد في صدري واللي صار من بعد الولادة و مع الرضاعة
انا قبل الحمل ما كان صدري كبير ... متوسط .. بس كبر مع الحمل و زيادة الوزن و كبر اكثر مع الرضاعة
انا الحمد لله قدرت انزل وزني حوالي 15 كيلو من بعد الولادة بس بدون رياضه (رجيم فقط) بس المشكلة اللي صارت ان يوم وزني نزل صدري صغر و رد تقريبا لحجمه بس صار مترهل وايد بسبب فقدان الوزن.. و الحين احس ان الترهل بيزيد مع الرضاعة خاصة اني ناويه اكمل سنتين لو الله قدرني...بس ترهل الصدر هذا وايد خرب شكل جسمي و مضايقني ياليت القى عندكم حل
تحياتي للجميع