السلام عليج
أختي وش السالفة



نصيحة يا أختي لا تحاولي تفكرين في ماضي زوجك ..... هو اختارك إنت .... يعني مهما كان ماضيه وخبراته .. حرقهم من يوم عرفك .. ومفروض إنتي بعد لا تثيرين هالموضوع معه ... وإن حصل وسألتيه شو بتستفيدين غير أنج تزيدين همج وغيرتج وتفكيرج في منو عرف ومنو كان لها وياه علاقة وكلها كانت شيء مضى وانتهي .. .. ومحد بيتعب غيرج .. ويمكن هالشيء بيأثر عليج وعلى علاقتج وياه .... وبتكون شك في شك .... فلاتذكرينه بماضيه لأنه الريال باللي جدامه ... كوني وياه جميلة في تعاملج بتملكينه .. والماضي خله ورا ظهرج ...

وطالما أنج تحسين له معرفه بالجنس فجدمي ظن الخير... لاحظي هالأيام منوه ما يعرف عن الجنس .. اللي يقرأ يعرف إذا نحن يالبنات لا ظهرنا ولا سرنا ولا سوينا علاقات قبل الزواج ... نعرف تستغربين منه أنه يعرف .. ولا تنسين مجالس الرياييل ما تخلى من هالسوالف ... يعني احسني الظن فيه ... وكم يسوى انه يجلس وياج .... وتحسين انه يباج إنتي ... يفكر فيج إنتي وإنتي اللي تشغلينه ... فخلج دايما شاغلتنه ومحافظة عليه ..

وخلج في الحاضر وفكري كيف تسعدينه ...


الله يهنيج ويهدي بالج .. وأدعي ربي يزيح الشك والهم عن قلبج..

أختج
بوهيميا