سأكتبلكم آخر أخباري بعدما جئت راليوم من بيت زوجي ........ بدايةً توقفت من التواصل بكم عندما ذهبت لزوجي كما تعلمون لا أستطيع أن أتواصل معكم هناك لعدم وجود الانترنت
..... توقفت وكلي أملاُ أن أرجع لكم بأخباري الزوجيه الساره ولكــــــــــــــن للأسف ...
الحال كما هو عليه ..
عندما أتى لاصطحابي كنت سعيده جداً وعملت بنصيحه الأخ غريب قادم الله يجزاه خيراً ...
المهم طول الطريق واحنا رايحين البيت قاعده اسولف معاه وأظحك معاه دون فايده كان ماد بوزه شبرين
ولو يرد علي من ورى خاطره ... وصلنا البيت نزلني ونزل اغراضي وقلت له تعال بتغدى معاك قال لا .. ولا حتى عبر لي عن اشتياقه
طلع عني
فلجأت للنوم الطويل وصحوت وهو لم يأتي .....
وعندما أتى أبتسمت مجامله وبصراحه تمثيل من ورى خاطري لأنه مايحس بمشاعري وابتسمت له بدافع انه مايمسك عليا غلطه ويقول دايماً عابسه بوجهي .... غير مقدراً لأسباب العبوس....
المهم ابتسمت ثم دخل ولم يقل شئ وحتى لم يعبر بابتسامه مماثله ...... ولكن لاحظت عليه شئ غريب بأنه يتألم فقلت له شو فيك حبيبي وركظت عليه قال انه طاح على ايده اثناء قياده الدراجه في البر
وكان هذا بنفس اليوم اللي جابني فيه ... فهل هذي عقوبه من الله عشان واحنا بالطريق ظحكتله وماجبر بخاطري ؟؟؟!!!!!!!!!!!!!!!!
طبعاً انا ماقلت له شوف الله شو سوى بك .. مهما كان زوجي واللي يصيبه يصيبني وطبعا لو قلتله راح اسبب مشكله من ردة فعله لو قلت له هذا الشئ .. بعدين نام على طوووووووول ..... المهم ثاني يوم راح المستشفى وأخذ العلاج .. ودايماً اسأله عن صحته وأحاول أرضيه بأي طريقه ولكن كان دايماً يرد من ورى خاطره . مايقعد بالبيت رغم اصابته ... واحساسه بالألم ... حتى استغربت لما طلبت منه نطلع سوى نتمشى قال ماقدر ماتشوفين ايدي تعورني ...؟؟؟
قلت له كيف وانت كل الوقت برع يعني اشمعنه يوم طلبت منك اطلع معاك ؟؟؟
قال غصبن عني أكون بالشغل .....
المهم قعدت اسبوع على هالحال يطلع ومطنشني وبيوم من هالاسبوع بات برع واليوم اشتكيت لأمه وقالت أناشفته الصبح جالس وجلست معاه وسألته وينك كنت بايت برع لاني ماشفت نعالك ... هيه طبعاً امه طيبه ومسكينه مابينت له اني اشتكيت لها عشان تعرف بتكون رده فعله فوق راسي أنا ....
المهم جاوبها بأنه قال لها تصدقين يا امي مالي خاطر ادخل البيت من الضيق اللي فيني كاره البيت .....
وهي قالت لي انها حست من كلامه انه مضايق من شغله ..
فقلت لها يمكن مضايق مني انا ومايبغي يشوفني .. قالت لا هو يقول كاره البيت
والبيت كلنا سوى عايشين فيه
فقلت لها خلاص بطلب انه يرجعني بيت اهلي وبطلب هالطلب بكل ادب واحترام لاني مابغيه يمسك شئ علي او غلطه يخليني ادفع ثمنها شهور في بيت اهلي
بس قلت هالمره ماراح اطلب ابداً يجي ياخذني وماراح أتصل ابداً فيه
حتى يحس ويتصل او يجيني من نفسه
فشو رايكم ؟؟
جئت لكم وكلي أمل بمواساتكم ونصائحكم
__________________
لو الصبر مايفيد
ماصبر أيوب صبره
سبحان الله وبحمده
سبحان الله وبحمده
سبحان الله وبحمده