شوفي حبيبتي واسمعيني زين لان الي صار كد صار لي والله ما أكذب عليك
انا متزوجه من 9 سنوات اتزوجت وانا صغيره ماكملت 17 سنه ويتيمة ام زوجي كان عصبي مره اذا عصب مايدري وش يقووول تخيلي انواع الاهانات يعني شي مايقوله اي واحد لاكبر عدو وكتن دايم ابكي لان ماعندي احد اشكي له المهم بعد سنه حملت وجبت ولد ثم حملت بسرعه وجبت ولد يعني مابينهم اقل من سنه المهم استمرينا على ذا الحا ملتصدقي اذا قلت لك اتركه 3 ايام اقول ما اكلمه اشوف وش يسوي الا والوضع عادي واذا قلت ليش اذا ما كلمتك ماتكلمني يقول انتي مسويتلي فيها انك زعلانه وتبيني ارضيك و........................................
وان مثلك اهله بيتهم جنب بيتنا وطووول الوقت عنده واذا تبين احلف لك اني ولا مره اكلت معه في صحن واحد لحالنا حتى يوم كتن عروووس حلفت لك تخيلي طوول الوقت مع امه واخوانه ولا هو معهم يضحك ويسوولف عادي واذا دخل البيت خلاص قفلت معاه
كانت حياتنا كلمة جحيم شوي عليها وكذا مره اطلب منه الطلاق حتى مره رحت زعلانه لبيت ابوي بعدمشاجره معه عند حاجه تافه وماطلعت للبيت الا بعد ماقال روحي لبيت ابوك خليك شغاله عند زوجته ؟؟؟؟؟؟
المهم ناديت ابوي وكنت حامل بولدي الثاني وتخيلي حتى ابوي مارضي ياخذني معه يقوول اصبري؟؟؟؟؟؟؟
بس انا قلت اذا ما اخذتني ذي المره راح امووت ولدي ونفسي تخيلي مرررره كنت مقهووره عايشه في بيت مالي فيه كرامه المهم اخذني ابو وكان زوجي طالع يسهر مع اخوانه ويوم رجع راح لامه وقالها وجلس يحلف قدام اخوانه انه مايرجعني وهم يهدووون فيه انتظرته يجي ويسأل ولا كان فيه احد..
اليوم الثاني قال لبوي في المسجد خلها ترجع
ابوي ماصدق خبر جا وقالي قلت ماراح ارجع الا اذا جا هو واعتذر ابوي فتح لي محاضره وقال ذي المره امسحيها بوجهي المهم رجعت بعد يوم واحد بس رجعني اخوي تخيلي جا ودخل البيت ولا كان شي صار حتى ماسلم ولاقال اي شي
المه استمرت المشاكل كانت تمر علي اوقت كنت ادعي الله فيها انه يصير لنا حادث واوموووت انا وعيال في وقت واحد علشان مايبقوون بعدي ويتعذبون ويجربون حالتي اليتم الي انا فيها

ترا نسيت اقوول انه زوجي واخوانه ياكلوون مع بعض وهم ما شاء الله كثير يعني الواحد طووول اليوم كرف ولا حمد ولا شكووور

المهم مرت الايام حتى انه فكر يتزوج علي ومن شدة ما انا تعبانه معه صار الوضع عادي مع اني والله ما كره بالعكس كنت امووت فيه قبل الزواج وبعده
الهه ماكتب انه يتزوج والحمد لله

بعدين نبهتني وحده من صديقاتي قالت يمكن محسوديين

ماصدقتها
الرجال راح وخطب والله مالك علي حلف كل من عرف بالخبر انهبل كيف يخطب علي وانا والله ما امدح نفسي صغيره وحلوه وحرمة بييت

بعده صدقت انه عين{يعني محسوديين} وصرت احافظعلى الاذكار وكل يووم مع غيوب الشمس ارش البيت بمويه مقري فيه
المهم هو ماحد زوجه...............
والحين اقسم لك بالله ولا كأننا متزوجيين جدد والحمد لله
ولا حتى هو يقول كيف كانت حياتنا قبل كيف كنا عايشين والحمدلله ماصار طلاق وكل يوم يمر يتحسر على الي راح من اول زواجنا ما استمتعنا فيه
والحمد لله
قصتي مررره طويله لو اكتبها لك ماراح تصدقين وانا قلت لك مقتطافات علشان تستفيدي
يعني الزبده انه اذا كان يحبك وقت الملكه فهو فيه امل بس اصبري علي وادعي ان الله يهديه وداومي على الاذكار والقرآن وراح تشووفين النتيجه ووردي لي خبر
الله يسعدك ويهدي لك زوجك واذا عندك اي سؤال اسئلي انا مستعده

نسيت اقولك اهم شي المشاكل اللي بينك وبينه لا تتطلع برا من تجربيتي ولا تشكي زوجك على اي احد مهما كان مخطئ اسئليني انا علمتني الدنيا ولا تقولين عجوز عمره 100 سنه
ولك تحياتي