الله يجزاكم الف خير على ردودكم واهتمامكم
بجد خليتوني ابكي لاني حسيت ان عندي اخوان واخوات في الله

بس والله اني ما اخذت فكرة الطلاق بشكل بسيط لان هذا الرجال مو معرفة يوم والا يومين هذا هو الحب الاول في حياتي............. بجد حبيته من اول ماجاء يشوفني عند اهلي..............
بس ما اقدر ابلع الخيانه......والله حاولت بس كل ما اتذكر برود ردوده ومشاعره ازيد قهر.............
هل رخصت عنده لهذي الدرجه.؟؟؟؟؟؟؟؟..............
هل ماتت المشاعر في قلبه لي؟؟؟؟؟؟؟؟؟؟؟

المشكله ان اقاربي لما دروا اني طلعت صار كل يوم تجيني قصه................واحد شافه يغازل بالـ ... ويرقم بنات................وواحد شافه مع وحده في مطعم وووووووووووووووو


ولا تعتقدون اني انا السبب في اني ماكنت اتصلح او ماكنت اعطيه وجه.....................والله ان اهلي كانوا يضحكون علي لاني ما اسميه الا حبيبي وحياتي وعمري.................. وكنت مااشتري الا احلى البجامات والقمصان علشان لما نقعد مع بعض اكون باحلى طله.....................وكنت احاول ابني ثقته بنفسه بالكلام الحلو فيه لدرجة اني كنت امدحه اكثر ما هو يمدحني....................
كان يموت في الارض اللي امشي عليها................كانت طلباتي كلها مجابه..........
كانت حياتنا في السنتين الاولى من الزواج احلى حياة...................

تقولون وش تغير؟؟؟
اقول لكم كثرة فلوسه.................
اشترى سيارة فخمه ولبس احلى الاثواب والساعات وخقوا البنات......................والله انه قال لي في مره انه كان موقف في .... عند سوبرماركت وان بنتين افتحوا باب السياره وقالوا له وصلنا.................لهذي الدرجه في بنات يهمهم المظهر ومستعدين يسوون اي شي علشان الفلوس............

هل ما يعرف اني لو كنت ابغى انا كمان اقدر اغازل واتعرف؟؟؟؟؟؟؟؟اقدر ادور على الشي الناقص فيه عند احد ثاني؟؟؟؟؟؟؟اقدر على الاقل اتصلح واروح للسوق علشان اسمع كلام مايسمعنياه الا بشق الانفس؟؟؟؟؟؟ بس انا بعد خوفي من الله كنت باقيه عليه وعلى حياتنا وكان مستحيل ادمرها لمتعه ماراح تدوم.........

تحطمت كل المشاعر الغاليه اللي كنت شايلتها له..............ولاكون صريحه قعدت مع نفسي ووزيت مميزاته مع عيوبه ............
زوجي ماكان اب حنون بالعكس كان اب قاسي وحاولت معه مرات عديده انه يغير من طبعه بس للاسف ...كان احيانا لما اتخانق معه واسفهه علشان اخفف من حدة النقاش ينقهر ويحاول يقهرني فيروح يضرب العيال لانه يعرف وش قد احبهم.............فاتوقع ان هذا الشي عيب كبير

وزي ماذكرت ان حياتنا الماليه كانت متحسنه............بس الدليل الوحيد على تحسنها سياراته(بالجمع) وساعاته لانه كان يرى انه احق بالمال لانه كان جراء تعبه هو وشقاه ونسى من مسك مكانه واخذ دوره لما كان هو يتعب ويشقى........

الشي الوحيد اللي كان مخليني متممسكه به مو العيال لاني مااصدق في المقولة علشان العيال.....
الشي الوحيد اللي خلاني متمسكه فيه حبي له......... وما حبيته الا لانه يحبني............ولما مات حبه لي مات حبي له..........ولو (وهذي لو كبيره) كان باقي حب له في قلبي لادوس هذا القلب بالشبشب لانه مايستاهل..............

والله مايستاهل اي حب عطيته له في يوم