منتدى عالم الأسرة والمجتمع - عرض مشاركة واحدة - التزامي بعد زواجي.....قصه واقعيه

13-02-2006, 11:55 AM

موحتارة

عضو نشيط جدا

تاريخ التسجيل: Jun 2004

المشاركات: 512

ماادري ليش المرأه في مجتمعنا مطلوب منها انها تصير (سوبر وومن)

تسكت على خيانات زوجها اللي قدام عينها ووتظاهر بأن الموضوع مايعنيها

تتحمل الاذى والظلم والمراره من الزوج وافعاله المريضه .. ولا من اهله وطولة لسانهم

بحجه نظره المجتمع للمطلقه!!؟؟

الحين وش بينفعونا الناس ونظرتهم اذا عشت مع زوج يفعل الحرام وينقل لي امراض وبلاوي الدنيا

وش بينفعوني اذا طحت عليهم وجتني جلطه ويتمت عيالي؟

ايش هالعقد النفسيه اللي بمجتمعنا هذي

والرجال لو شاف اقل تقصير من زوجته الكل ينصحه يتزوج عليها

انا شخصيا ماهمني نظره احد لي اذا لاسمح الله تطلقت

اولا بيت اهلي مفتووح لي بأي وقت وانا بنتهم العزيزه الغاليه لو ايش ماصار

ثانيا انا لي عزه نفس وكرامه وماخلق ربي من يهينها

ثالثا الله سبحانه وتعالى يقول : (( امساك بمعروف او تسريح بإحسان))

ماقال احرقوا اعصابكم واخسروا صحتكم بس لاتتطلقوا

معليش اختي ان كنت ابتعدت عن الموضوع شوي

بس بصراحه كل وحده لها قدره على الاحتمال واللي سويتيه انتي مو كل النساء تقدر تسويه

ولا كل الرجال مثل زوجك راح ينصلح حالهم ويتغيروا

معليش ولاتزعلين مني اختي موضوعك على عيني وراسي

بس انا ملييييييييييت من المواضيع اللي تقول امسحي شخصيتك ودوسي على نفسك وصيري المرأه الجباره ولا ترجعين بيت اهلك

بصراحه بسئلك سؤال جاوبيني عليه بصراحه

خلاص هالسنوات اللي مرت عليك وكلها زي ماذكرتي مشاكل وزعل

كيف كانت نفسيه اولادك؟؟؟

تتوقعين انهم صغار ومايحسون باللي حولهم؟

لاوالله حاسين واكثر من الكبار بعد

للاسف الزوج نجري ورا راحته ورضاه والابناء اخر شي

على فكره انا للحين مانسيت موضوعك يوم زعل عليك زوجك علشان دكتورك في الجامعه بغى يخطبك .. للاسف انه مجرد شخص اعجب فيك قلب عليك الدنيا وانتي مالك ذنب اما هو يخونك عيني عينك عادي عنده

الله يهديه بس

اسفه ان كان ردي يزعلك اجحديه واعتبري نفسك ماقريتيه .. بس حبيت اقدم نصيحه لك وللاخوات من اخت تحبكم في الله

والله يسعدك ويهنيك ولايغير عليك زوجك يااااااارب

تحياتي لك