اول شي هدي بالك ... وحاولي تنتبهين لنفسك ولصحتك علشان اولادك اللي محتاجينك
بالنسبه لزوجك الله يهديه ...ان زعلك وهوه الغلطان ...اتركيه قومي عنه لاتحتكي فيه ... بس لاتهجرين فراشك ... هذا فراشك مثل ماهو فراشه .. وان ماعجبه ايقوم اهو مو انتي
عزيزتي لاتبكين قدامه ...نعم لاتبكين اتفكري ان بكيتي قدامه راح ايحن قلبه وراح يلمك بحضنه !... بالعكس بعض الرجال يستمصخ دمعة زوجته ويعتبرها دلع ماله معنى ...عصي على حالك لاتبكي قدامه لاان نوعية زوجك اعرفها ...ان بغيتي روحي بمكان وطلعي كل اللي بقلبك من بكى وطلعي مره ثانيه وحتى لو بانت اعيونك حمرا مايهم ... المهم انك ارتحتي اشوي
لمن تهدا نفسك من بعد اول يوم ...اهتمي بنفسك ...صيري رايقه ... لا مره فالتها ولا مره حاطه الحزن يابس ...وخللي تعاملاتك بداخل البيت بهدوء حتى مع اولادك لاتعصبين عليهم ابد ابد ..اشغلي نفسك بالقراءه وبالنت ...هذا بالاضافه اكيد للدعاء كلما شفتي حالك فاضيه روحي توضي واقراي سورة يس وادعي ربك .
انا عارفه الاهانه تجرح القلب وتدميه بس شنسوي انا كنت افكر انو بس الحريم اللي مظلومين وعندهم قدره على الصبر والتحمل بس والله هالمنتدى بين لي العكس
انو برضو في رجال اسم الله عليهم صبورين ومتحملين شناعة تصرفات زوجاتهم ... يعني محد مستريح بهالدنيا
اختي العزيزه مها
الله ايخليك لاتتضايقين ...مافي شي يستاهل ...كلها دنيا يابنت الحلال ورايحين منها..... وزوجك اتلاقيه معه من يحشي مخه بسوالف قبل ... المره لازم اتراويها العين الحمرا... ولاتشوف منك لين ابد ... ومن هالخرابيط الله يكافينا الشر
انظري له بعين غير
لاتقولين عنه جاف قولي مايفهم ومحد رباه على كيف ايعامل زوجته .. اخلقيله اعذار .... علشان تقدرين اتسيطرين على الموقف .
وان جا يسب قولي بس جزاك الله كل خير ماقصرت وطلعي عنه على طول .
بعض الرجال يسب كانه يسب بالشارع ....
ادعيله الله يهدي سره ويصلح حالكم
وتعامل الزوجه مع عصبية الزوج يبغالها طولة بال ووساعه صدر ان بغت الوحده اتحافظ على اولادها بجو اسري .
__________________
عمـــيت عينا لاتجعلك عليـــها رقيبا