اللي بأكتبه موجه للشباب وليس للشابات
هذا قانون اعطيكم اياه وامشوا عليه وان شاء الله ربي يوفقكم
(اذا تقدمت وطلبت منك البنت فوق طاقتك رح وخلها ولا تتحسف )تدري ليه لانها
1_طماعه (الطماع مايشبعه شي والبنات اللي مطالبهم كثيره
والله العظيم انها بعد الزواج اكثر واكثر)
2_ انانيه لانها مافكرت الافي نفسها وتحقيق رغباتها على حساب الاخرين
3_عندها خلل في التفكيربنفسها(بعدين ماراح يروح فيها الا هي لانه غارق في الديون ما بيوفر لها مطالبها بعد الزواج على الوجه الكامل )مادامها ساوت قيمتها وقدرها بالفلوس فهي رخيصه
لان المراه العاقله والحكيمه(ما بقول حلوه لانك بتلقاها بسرعه لكن من الصعب تلقى الحكيمه والعاقله )ماتساويها كنوز الدنيا
يا شباب خلوكم اذكياء ماهو الواحد منكم اذا شاف البنت(النظره الشرعيه)واعجبته انهبل وطلع في راسه نخل
وراح وتسلف اللي يبيله10 سنين عشان يسدده كل هذا عشان يتزوجها وما يفوتها
بعدين انتو ما خطر على بالكم هذا السؤال
وش بتسوي بها الفلوس كلها؟
40000ريال (مهرها)
اشترت منه الشرعه
15000 ريال ذهب ومن اثقل انواع الذهب واحلاه
ودفعت تكاليف الكوافيره
اشترت ثلاثه فساتين من افخم الفساتين (عشان ما تقولون ان الفساتين اي كلام وبيجيبها مبلغ مالي بسيط)
يعني الواحد ما يقل عن800 ريال
اشترت ملابس بيت
اشترت ملابس النوم وشغلات للمتزوجات عاد انتو اعرف
اشترت ملابس طلعات (تايورات ,بلايز، تنانير........)
جزم، شنط
وكماليات اخرى وكل اغراضها من محلات فخمه وماركه بعد
واهدت لامها وابوها واخواتها وزوجات اخوانها
وانا فستان العرس اللي حضرت فيه الزواج هديه منها وقيمته 1200 ريال
المجموع 36 الف ريال
هذي اختي وزواجها كان الصيفيه اللي راحت وسافروا بعد الزواج وانبسطوا وهي الان عايشه مع زوجها حياة خياليه الله يحفظهم
وكمان ابوي والمعرس تقاسموا تكاليف الزواج من... الى... مع انه وظيفته عاليه (مهندس ضابط) يعني راتبه عالي
انا كتبت هذا كله والله اني صادقه ولم ابالغ عشان اوضح لكم كم المبلغ اللي تحتاجه العروس
يعني لا يلعبون عليكم البنات
اذا كنت تبي تسافر شهر عسل زي الناس وتستانس بعدين وتكون حر بلا ديون اختار زوجتك زيييييييييييييييييين ولا تستعجل لان البنت العاقله والفاهمه هي اللي تساعد زوجها
الشباب تحملوا الديون عشان يتزوجون ويلبون رغبات الاباء وبناتهم وهذا اللي خلى الاباء والبنات يطلبون ويغالون دون خوف فتحوا =فكروا زين وش المقصد؟؟؟؟
اسال الله للكل التوفيق والسداد