أنا دايما أقول لزوجي إذا لك نية تتزوج علي قول لي بالأول.. لا تخليني مثل المغفلة تتزوج ولا أدري عنك ..

مثل ماقالوا الأخوة.. خلك طبيعي معاها ولا تحسسها إنك متغير.. اخذها في حضنك ولمها وقول لها إنتي كل شي في حياتي.. أحبك وأموت فيك.. وبعدين افتح الموضوع بالتدريج وقول لها تعرفين فلانة اللي كنت ناوي اتزوجها؟ أنا أخيرا تزوجتها..
ولاتستغرب إذا انفعلت و حاذر إنك تنفعل معاها .. أنا زوجي لما يغلط وأنفعل أشوفه يعصب وينفعل ويقلب السالفة علي كأني أنا الغلطانة.. ليش؟؟؟ بس لأن ردة فعلي كانت قوية.. يا أخي غصبا علي.. أنا بشر وعندي احساس..
بس طلبتك.. إذا خبرتها طمنا عليها وقول لنا عن ردة فعلها لأني وايد أخاف من هالموقف وأخاف إني أكون في مكانها..
وبالتوفيق..