زوجى موظف وراتبه مرتفع..
مايقصر معنا ينفق على وعلى اولاده ...وحتى على البيت...
بنينا بيت جديد وسكنا فيه ..وفى السنوات الاخيرة بدات الاحظ فيه نوع من
الشح على شخصيا...وحينما اناقشه يقول لى لازم تتحملين وتضحين مثلى
شوفى انا مااشترى كثير وماافصل ثياب دوم..
عجزت افهمه انى امراة ولى احتياجات خاصة لو حتى كريمات او مكياج او ملابس جديدة...كانت هذه نقطة اختلاف بينى
وبينه على الدوام رغم انه وهى كلمة حق اقولها حتى لاأهضم حقه..ساعة الواجب بيض الله وجه يعطينى لكن بعد طول
تحضير ومسايسة واحس ان هذا الاسلوب اتعبنى كثير احس انى شحاتة عنده..
طلبت فترة انه يعطينى مصروف وافق بعد جهد جهيد واعطانى 500ريال شهرى لكنى تفاجأت انه قال لى حتى فاتورة
الجوال تسددينها وهداياك منها..طيب وايش بقى لى...الشهر اللى بعده قلت له الشغلة ماتخارج..لاتعطينى لكن ساعة
ماابغى السوق تنزل معى وتدفع لى..وفعلا فعلتها ونزلت السوق ودفعته 1500ريال لازالت يذكرنى بها من باب
المداعبة..
امس نزل له اوفر تايم مبلغ ممتاز جدا ..وانا عندى احتياجات مثل ساعة جديدة عطر طرحة مكياج...وحاسة فى قلبى
غصة لانى لوطلبت قال ماتصدقين بالفلوس...وان انتظرت لنص الشهر قال ابغى اوفر لباقى الشهر مانبغى نشحت..
امس تناقشت معه وقلت ان ابنه الكبير على اعتاب الثانوية وصعب الى الان اعطيه مصروف 5ريال مثل الصغار نفسى
يكون عنده مصروف مستقل..
((يتبع))