اختي نايت..

اللي بيحصل بينك وبين امك سببه انه انتي اصلا نفسيتك تعبانه والوالده اكيد فيه كثير امور شايله همها ومسؤوله عنها فطبيعي تفلت اعصابها عليكي.. مادري ايش الحل بس اتوقع السلبيه هنا ممكن تفيد اذا زعقت على اخوك لا تدخلي لانها هي في حالة غضب ومو واعيه ايش بتقول فبتدخلك طبعا رح تاخذي نصيبك من الغضب.. اذا شفتي مزاجها معكر لا تناقشيها في امور واذا حسيتي انه انتي ضايق صدرك ومكتئبه لا تفتحي مواضيع او تناقشي مواضيع ممكن تبدأ كسواليف وتنتهي باختلاف راي وشجار..

بالنسبة لللعين اختي نايت.. انت ان شاء الله ما فيكي شيء ولا توهمي نفسك انه فيكي عين او مرض وخلافه .. الاشياء هذي اللي بتحسي بيها بسبب الاحباط والاكتئاب والملل والفراغ العاطفي وعدم وجود هدف... متأكده انه يجيك شعور مرات انه مالك داعي في هذه الحياة عارفه انك تقولي في نفسك انا كرفت ودرست وحميت نفسي من الذلات والهوى وفي الاخر لا عمل ولازوج ولا اطفال وغيري ما كرف ولا عصم نفسه زيي وما شاء الله لها وظيفه وزوج واطفال..
هذي الافكار كلها والوساوس تخليكي تتوهمي انه فيكي عين وتظهر عليكي الاعراض اللي انتي بتقولي عنها..اتوقع انها مجرد ايحاء ذاتي..صدقيني..
يمكن كمان انتي زعلانه على امك لانك حاسه انه هي سبب تاخرك في الزواج فبالتالي بتطلع ردات فعل منك لا ارادية... تاكدي انه كل تاخيره فيها خيره..


اعملي زي ماقلتلك مع امك وحاولي تخدميها باي طريقه والله يسهل امورك ويرزقك بالزوج الصالح والذرية الصالحه ويهدي بال امك