من دون مجاملة احس اصبحت الشهاده مظهر ببعض الأحيان ولن اعمم
الدليل اعرف واحد قال لوحده ابيج تدرسين جامعه مع انه يحبها
يعني ما كفاه حبها يبيها بعد تدرس علشان بكره يقولون الجامعي والجامعيه
عن نفسي ما انكر افضل بواحد جامعي، مخه واعي
شفايدة واحد جامعي كسول مدلل
ما ادري من وجهة نظري انا ليش افضل الجامعي، لأن بيتنا يفضلون هلون، وثانيا احنا عندنا الجامعي معاشه 300 دينار واللي بواسطه 400
شلون اللي عنده ثانويه
هي مو مساله ماده بس علشان والحد يعيش بكرامه ومن دون مشاكل الراتب على اقل يكون 300 علشان يغطي للمصاريف
والأرتباط بجامعي للجامعيه ليش احسن، علشان الريال ما يحس بالنقص، انا واحد من اقربائي كان يموت من القهر من خطيبته الجامعيه ويفتعل مشاكل
بس اللي يثير الأستغرابـ اني بنات مو جامعيات يشترطون جامعي، ليش ما ادري، بالعكس المفروض تستغل الفرصه وترتبط بلي عنده ثانوي لأنه مثل مستواها العلمي
في النهايه الريال اللي بمعنى الكلمه وعنده مسؤوليه وطيب وراح يوفر حياه كريمه ( الحياه العاديه بدون المبالغات والتفاهات) كان جامعي ثانوي ان شاء الله اعدادي هو مطلب البنت العاقله اللي تبي تستقر وتسعد بحياتها
اسفه على الأطاله ومشكور اخوي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح