السلام عليج أختي محتاره ..

الخيانة وحدة سواء من الزوج او الزوجة وألمها واحد ..... ولولا ذلك لما تساوت عقوبتهما ولكن هي نظرة المجتمع الذكورية التي دائما تنصف الرجل وتجعل كل ما يفعله ...... واجب على المرأة الصبر عليه ...

لو كنت مكانج ... أحاول أكتم ألمي ووجعي ... ولا أراويه دموعي ...آخذه وايلس وياه وأصارحه وأقوله بهدوء ومن غير عصبيه ... (( حسسيه أنج مجروحه )) ..شوف يا ولد الحلال خذيتني من بيت أبوي معززة مكرمة ... وأنا ما قصرت وياك وباللي تأمرني قلت لبيه... لكن إن كنت ناوي تتابع حياة الحرام اللي كنت عايشنها قبل ما تاخذني (( وهو يمكن يحاول يبرر لا تخلينه يدافع عن نفسه لأنج تعرفين أنه كاذب إن قال ما سويت شي )) قوليله اسمعني لاتبرر .... أنا أفضل أعيش مطلقة ولا كلمة مسكينه من حلوج الحريم ... ورمستهم علي .. هاي اللي ريلها يعرف فلانه وعلانه .. ((وضحيله أنه في ناس رامسين عنه جدامج بدووووووووون ما تبينين له منوه ولو حرج ولو عصب لا تقولين منوه ...خله يفكر ألف مره في حياته وانه اللي يسويه ما يتم خافي ))... وقوليله إن شريتني أنا بشتريك مليون ....لكن أنك تستغل ثقتي فيك وتخوني فلا تظن أني من الحريم اللي يقولون ريلي واستحمل ... إلا كرامتي ما أسمحلك تمسها ...أكون مطلقة ... ولا أعيش في بيت خاين ... وذكريه بعد أنه رب العالمين قال كما تدين تدان .. قوليله مافكرت باجر ربك يختبرك فيني .... مافكرت باجر أنه ينتقم من شرف الناس فيه ... ماخفت من ربك يراويك في شرفك مثل ما تسرق شرف غيرك ...

وبس لا تطولين في السالفة .... وتحملي ولا ترضخين له لو تمسكن ...بينيله أنج قويه وقادره تتحكمين في عواطفج ... ولو كنت تموتين في حبه .... يعني لا تسويله سالفة عامليه زين ... بس خل معاملتج بدون عاطفه تعدلي والبسي ... ولبيله احتياجاته من مأكل ومشرب ... حسسيه بكبر غلطته في حقج .... لكن أبد أبد لا تخبرين حد من أهلج .. عن تصغرينه في عينهم إذا ربج كتب السعادة وخلاصكم من هذه المشكلة .... وادعي ربج في صلاتج أنه يهديه .. واللي استوى استوى ...... أهم شيء أنه يكون قلبه نظيف ويصلي .. وبصدق يبا يتوب عن سواياه ....وإنتي ساعديه ... إن صدق حسيت أنه يبا يتخلص من الماضي ...

ولو لاحظتي مافي فايده ... صدقيني مطلقة ولا الحياة مع ريل .. خاين مادري باجر بأي مرض يبليني ....

الله يفرج كربتج ..
أختج
بوهيميا