اقتباس:
|
المشاركة الأصلية كتبت بواسطة شوبارد
تصدقون اني خجلانة جداااااا من نفسي.. ومن اللي بكتبه..... بس من لي بعد الله غيركم الله يسعدكم!! بس عساكم تفهمون كلامي لأني ضايقة وأول ماجا في بالي اجي عندكم..
مايمديني اطلع من موضوع الا ويجيني موضوع انا اعمل معلمة ومرة كنت بحصتي و أشرح درسي.. الا ومديرة المدرسة تضرب الباب فتحته صارت تناظر لبسي وترتب شعري
وابتسمت بوجهي وقالت تعالي ابغاك تحت( فهمت وحركتها ان في حريم جايين يشوفوني .. علما بأن الموقف تكرر أكثر من مرة لكن المديرة تمثل قدامي انها مو فاهمة)
على طول مشت قدامي وانا قلبي ينبض مثل العصفور الخايف ومحتارة نزلت معها درجتين وفجأة وقفت قلت استاذة ماقدر اترك الطالبات بيطلعون من الفصل. قالت اطلع لهم معلمة غيرك..
قلت انا قدامك الحين قولي قالت اوراق مهمة ماقدر اطلعها خارج الإدارة انزلي وتعرفين
قلت: استاذة تراني فاهمة الموضوع وماعندي رغبة آسفة برجع فصلي
قالت اي موضوع يتهيأ لك انزلي انتي مغيرة بدرجة طالبة الترم الأول لو عرفت موجهتك بتروحين فيها ( تمثل علي)
قلت: ادري الموضوع فيه خطبة وماراح انزل اسفة
قالت: بشريني شوبارد قولي انخطبت
قلت لااا بس عندك فلانة وفلانة وفلانة ماتزوجو ناديهم
قالت هم طلبوك بالإسم (خنقتني العبرة وماعرفت ارد عليها توقعت هي اني بفرح لما قالت لي كذا ماتدري وش بداخلي)
ابغى اتكلم ماقدرت احس لو بنطق حرف ببكي
قلت اسفة وطلعت الدرج الا وتلحقني وتمسك يدي ويدها الثانية على تمسح على شعري كني يتيمة آآآه
وتقولي شفيك ياعزيزتي وهذي سنة الله في خلقه انتي كنك بنتي واتمنى لك الخير وادري كثير يسألون عنك ومافيه نصيب مافيها شي يمكن هالمرة تصيب
آآه حسيت بنظرات الرحمة بعيونها حاولت ابعد عنها قلت شفيك ياستاذة الظاهر انتي ماتعرفيني زين.. ناقصين هم. اعيش شبابي واتهنى فيه بعدين الله يكتب اللي فيه الخير
وشكلها فاهمتني ماوخرت يدها عن يدي ابداا وقالت بتنزلين يعني بتنزلين انا قلتلهم انك موجودة وانا مديرتك وانتي مجبرة على طاعتي ونزلتني
وانا انزل اتخيل شكلي جزمة- بلوزة - تنورة بتدخل عالزباين عجبتهم كان بها ماعجبتهم راحو لبضاعة ثانية آآآآآآه ياحالي المسكين
ودخلت . قلت السلام عليكم واشوف حرمتين عاكنب جالسين حتى والله ماذكرهم اذكر عباتين وحدة يمين والثانية يسار وعلى طول قلت للمديرة وين شهادة الطالبة والمديرة
تحاول تسولف وتضحك معي عشان يشوفوني حضراتهم..وهم مولعيين فيني والعبرة تجي وتروح وقتها اقول ليت معي مسدس اضرب عليك وعليها ( مع العلم كنت اول افرح لما يصير لي هالموقف)
ودقو وقالو نبغى نجي يااااااااربي تعبت مليييت هم شافوني يكفي المفروض يجي الرجال بيجون عشان يشبعون مني جعلهم الجوع وعشان يحللون البيت تحليل اللي يشوفهم يقول ولدهم خالد بن الوليد
رفضت وبغت تذبحني امي ومن كبر حظك عشان ترفضين اقول بتطلعين غصب عليك آآآآآآآآآآآه
بقول كلااااااااااام يقرقع بقلبي
|
تعرفي انك وحدة عسل
يا اختي تفكيرك خلاني استغرب ..ما اعرف ليش حسيت تفكيرك غريب
البنت بيجو يشوفوها لانو الرجال ما يقدر يشوفها لان ممكن يروح فيها ضحايا زي ما قالو الاخوات
والله اذا راد النصيب بيجيبه لحد عندك بس انتي اكثري من الدعاء
ولعلمك انا واهلي اعيشين في قرية في بلد غربية مافيها واحد مؤمن يخاف الله كلهم بعيد عنك صايعين تقريبا
واختي للحين ما تزوجت لاننا ما في اختلاط بالناس وما احد يشوفنا
ولكن انا تزوجت سبحان الله احسها معجزة
لان زواجي تم بسرعة سبحانك ربي!!
فما تخافي ولا تعملي هم وشيلي هالافكار من راسك
يلا عاد
