والله أنا أقول له تزوج وعليك بالعافية..مردك بتعرف قيمتي وبترد لي..
لأني ما أظن في وحدة تقدر تستحمل اللي أنا استحمله منك..
وإذا متوقع إنك بتحصل اللي أحسن مني فإنت غلطان...
(والسبب ان زوجي يقول أنه تزوج عشان يحصل ودة تخدمه.. تعدل تكنس البيت وتغسل الحمام ..وتغسل ملابسه وتكويهم..وتطبخ له الفطور و الغدا والعشا..وتقعد عند ريوله تنتظر طلباته روحي وتعالي وسوي ولاتسوين وجيبي وودي..وملابسه يفصخهم ويقطهم على الأرض وهي من وراه تلقطهم..وبعد مايستحم يقط الفوطة وهي تنشرها.. جيبي مايوجيبي جوالي وشغلي المكيف وسكري المكيف....و و و و ..) باختصار خدامة..
أنا مقسمة وقتي لأربع:نفسي،زوجي،عيالي،بيتي.. ويالله ألحق على طلباته.. وإذا مرة قلت له تعبانة ماأقدر يقول قومي أحسن لك ولا في قلبه رحمة.. وهو طول الوقت مسترخي ونايم ومنسدح على السرير..
وفي النهاية شيقول؟؟ إنتي ماتأدين واجباتك وأنا ما أحصل اللي أبغيه منك وأبغي أتزوج عشان تعوضني عن اللي أنتي ماقدرتي تعطيني (مش الناحية العاطفية بل يقصد شئون المنزل)..

سامحوني على الإطالة.. بس أفضفض باللي في قلبي..