المشاركة الأصلية كتبت بواسطة rima

السلام عليكم اخواني
جيتكم اليوم اخبركم شو صار معي بعد ما حكيت مع حماتي
والله اكتبلكم وانا مقهورة ورح طق وسكتت من اجل ما اعمل مشاكل المهم اخبركم شو صار معي
رحت لحماتي بخبرها اني حسافر فسالتني امك بتنق عليكي عشان تروحيلهم يعني قلتلها لا قالتلي يعني هيدي اول مرة اشوفك مصممة عالسفر
فقلتلها اني تعبانة وحابة اغير جو لي طيب بس حسيتها ما اقتنعت فسالتها اذا انا بروح انت عم تشدي بالاولاد انت تقدري على مسؤوليتهم قالت لي لا قلتلها لكن كيف ما تخليهم يسافرو معي
مين بيدير بالو عليهم فردت علي ويا ريتها ما ردت قهرتني كاني بنت صغيرة ادامها وقاعدة تتحكم بحياتي فقالتلي ما اخليكي تروحي ولا تاخديهم هون شو بدكم يصير فيني
فقدت اعصابي بس ما وريتها كأن حدا سكب علي مي حتى ما اتمشكل معاها فانا اخدت ولادي ودموعي عخدي ان ليش هيك هي بنتها ما بتسمع كلامها متلي انا اللي
عطيتها فرصة تتدخل بحياتي بس مو لهالدرجة انا زوجي ما بيفرض علي شي وبعمل اللي بكيفي فرجعت البيت وانا مخنوقة وقلت لزوجي اني رح سافر واخد ولادي ما حد دخلو فيني
وان ظلت امك هيك رح سافر بدون اعلامها لان هي اللي وصلتني لهون فبلش زوجي يهديني ويقلي ما بصير الا اللي تبيه وانو هو بيكلم امو مع اني متاكدة انو حتى لو كلمها
ما رح توافق لانها اخدة الشغلة عند وبدها تمشي كلمتها علي وهذي اول مرة تعند معي هيك مني عارفة ليش كل هذا عشان ما تحب امي بدها تحرمها مني ومن اولادي فشو رايكم شو بعمل
الله يخليكم ردو علي اسكت واصبر ام اخذ ولادي غصب عنها واللي يصير يصير ضايعة والله ومقهورة كتير فارجو ان لا تنسوني من دعواتكم والله يجزيكم الجنة