اشكر الاخوة على ردودهم ...
اقتباس:
أولا مبروووك وألف مبرووووك
ثانيا : حالي من حالك وزوجتي الآن في فترة نفاس أسال الله أن يعجل بعودتهن ، واتمنى ان اجد الردود كي استفيد منك.
اقتراحي هو أن زوجتك ملت من جلسة البيت طيلة تلك الفترة فاحسن هدية هي أن تخرج معها في نزهة ورحلة مدفوعة الثمن بمعنى ان تستاجر شاليه على البحر اجازة نهاية الاسبوع ، او تسافران سفرة قصيرة لمدينة سياحية في بلدك الخ.
|
اولا: الله يبارك فيك وعقبالك مرتن ثانية
ثانيا: والله النية يالغالي نروح لمكة وجدة منها اننا نشكر الله ونوسع صدرها بس ابي هدية ثانية يعني شي مميز وغير مكلف بزيادة
اقتباس:
الله يقومها بالسلامة وترجع لك باقرب وقت
الطلاعة عندنا
ياتعطيها طقم ذهب على ذوقك
أو تعطيها مبلغ من المـــــــال وتقول لها هذي طلاعتكـ
أعتقد بتنبسط كثير سواء بالطقم أو الفلوووووووس
بالتوفيق لكـ
|
الله يجزاك بالخير اختي... بالنسبة للذهب عندها اطقم ذهب من الزواج ما فتحتهم فضلا عن انها تلبسهم ( احسن شي عندها الاكسسوار ) الله يديم الرخص ... اما بالنسبة للفلوس فما اعتقد ان فيها اتستمتاع كهدية فضلا عن اني ما اقصر معها بهالناحية
لذلك ما راح تحس بشي جديد
اقتباس:
اقتراح انا من رايي: سفره لمكان جدآ روماااانسي
لمده قصيره لان المرأه تحتاج للحب والحنان في هالفتره بالذات
او الامكانيات ماتسمح اي هديه مهما كااانت بس المهم رساله تعبر عن مدى شوقك ولهفتك لها
وووووبس
|
والله اقتراحك على العين والراس وبصراحة موضوع الرسالة كان غايب عني وما راح انساها باذن الله... شكرا لك
اقتباس:
اول شي الف الف مبروك اخوي بن زيد
ويتربى بعزكم ان شاء الله ويجعله الله من الابناء الصالحين
اسمع وانا اخوك اذا كان عندك استطاعه انك تسافر لك لو اسبوع تغير فيها جو انت والمدام
للبنان والا القاهره فهذا شي طيب كلها دول قريبه وجوها راح يكون بالفتره هذي ممتاز
بس بشرط يكون عندكم استطاعه انكم تخلون البيبي وماتاخذونه معكم
واذا كان ماتقدر تستغني عن البيبي لسبب الرضاعه او غيره فمالك الا الرياض فندق الفيصليه والا المملكه
تاخذ لك فيه جناح لمدة ليله او ليلتين بالكثير مع هديه حلوه عباره عن عقد الماس او ساعه من نوع راقي
وبكذا تكون غيرت جو وانت في ديرتك والبيبي يكون عند اهلك او اهل المدام وبنفس الوقت قريب منكم
واتمنى لك قضاء اوقات ممتعه وجميله
وتقبل خالص تحياتي
اخوك ابوحمود
|
هلا اخوي ابوحمود.... قصدك اخربها يعني للبنان ..؟!!
الحين يالله تسمح لنا نروح لجدة واسواقها تبي نروح لديرة نانسي جعمر ..!!
اما فكرة الفيصلية والمملكة فبصراحة دامك اذا طليت مع الدريشة شفت طريق الملك فهد منبطحن قدامك فما والله سوينا شي ...
اما من ناحية الالماس فالظاهر انك كاش ولد كاش وحنا ياخوك عسانا نقوى الذهب بهالوقت الي الاسهم مافيه احمر منها ... لكن فكرة ساعة حلوة والظاهر انها بترسي عليها ... شاكر لك تفاعلك الطيب...
الاخوة الاعزاء .... انتظر تفاعل منكم اكثر واكثر ... 