لا استطيع مسامحة زوجي
سبق وكتبت مشكلتي هنا وهي احترت ولا ادري وش السواه
http://www.66n.com/forums/showthread.php?t=77487
مشكلتي الحين ان زوجي مو مقصر معاي ويحسسني انه يبي يعوض علي بس انا قد ما اقدر قاعده اطنش زعلي عليه من جد صحيح رجعنا لبعض والحين على وشك نقول بيتنا الملك بس كل ما اجلس مع نفسي اتذكر كل اللي سواه والله اللي سواه مو سهل اتهمني في اعز ما املك ولما جلسنا مع الاهل قال بس كنت العب باعصابك كنت ابغاك تمشين وتكلمين نفسك والله مرات اني نايمه جنبه بالليل واقعد ابكي كل ما اتذكر وهو مايدري ولا يحس فيني لاني ابكي بصمت رهيب حاسه ان المشاكل كبرتني عشرين سنه نفسيتي باقي تعبانه .والله العظيم اني اكتب اللي احسه الحين وقاعده ابكي عيوني الحين فيها جفاف في القرنيه والدكتوره قالت واضح انك بكاااااااااااااااايه وهي تضحك وانا اتقطع في داخلي تقول ارحمي نفسك مقدر اسامحه اكتشفت اني ما اقدر اسامحه...................وهذا شي مألمني ومحبطني وكاسر خاطري وهد حيلي ابغى اصيح واكسر الدنيا. قد ما اساله ليش سويت معاي كذا؟؟؟ يرد العب باعصابك وفي نفس الوقت يقول انا من غيرك اموت. مو تناقض؟؟؟ احسه يكذب علي كرهت نفسي وحياتي ولا يمر يوم الا احس ان شمس بكره ما بتشرق علي من الحسره كاتمه في نفسي والله بس علشان اللي حولي اهلي يقولون تصبري واهله يقولون الله يهديكم وهو يقول الوقت يشافي كل جرح مايدري اني انزف منه كل يوم وكل لحظه حبيته لدرجة اني كنت افكر اني ما اقدر اتنفس بعيده عنه والحين صرت استنى يطلع دوامه واستمتع بوقتي وفي نفس الوقت اشتاق له مدري ايش هذا ....اااااااااااااااااااااه ياقلبي كنت ما اعرف في حياتي الا المديح والثناء والنجاح معروفه بين جماعتي بتفوقي وجمالي وادبي واخلاقي فجاه يجي وبكل بساطه يقول انا اعرف انك تطلعين مع شباب يا الله صدمه بحياتي ما تخيلتها صار يتعامل معاي وكاني فعلا حقت شباب طيب تعال نفحص وتعرف اني مو مسويه شي قال يكفي اني اعرف ولما رحت لاهلي زعلانه منه جا يطلب الرضا ويبوس الايادي ارجع معاه وتفسيره للي كان يسويه اني ابغى أأدبها بس ليش انا ايش سويت؟؟؟؟؟؟؟؟؟؟؟ انت لعبت في نفسيتي من اول اسبوع زواج وكملنا اربع سنوات ونص على هذا المنوال يعني انت ما شفت الا صوره محطمه مني ما شفت الصوره الحقيقيه باقي يقول مو معقوله اربع سنوات ولا يوم تعاملتي فيه معاي على طبيعتك!!!!!!!!!!!! حلفت له انه فعلا انا تحطمت من اول اسبوع ولا عاد رجعت لطبيعتي وصلت معاي اني تركت دراستي اهملت نفسي وبيتي واهلي واهله اهملت ابسط الحقوق صرت عايشه مجرد شكل ما ادري ليش عايشه مو ميته؟ محطمه ......... مكسوره....... مبعثره.......... ماني موجوده...........الكل صار يقول وين التوهج والشباب والمرح؟؟؟؟؟؟؟؟؟؟؟؟؟؟
يا الله................ياليت قومي يعلمون احساسي باني ما اقدر اسامحه عامل لي عقده بالذنب قلت له اني مسامحته بس كذابه.................كذابه................ومليون كذابه................
تفاجأت فيه الاسبوع الماضي وانا جالسه جنبه نتفرج على التلفزيون يمسك راسي ويوجهه جهته ويقعد يطالع فيني سالته فيه شي؟؟؟؟؟؟؟؟؟؟؟؟ قال بس ابغى اطالع فيك واتاملك انحرجت قلت تبي تقول شي؟ قالها وهو مكسور اعرف من عيونك انك ما تحبيني الا 25% بس كانه طيحني في بير عمييق يوم قالها حلفت له انك بس تتخيل قال لا ما اتخيل والله اني ادري بس الله يقدرني واقدر اعدل النسبه ومقتنع بكلامه بشكل وانا فعلا شايله عليه ما قدر انسى اللي سواه ياناس خسرت دراستي وصحتي مترديه بشكل فظيع وعلاقاتي مع الناس تقريبا انقطعت واخلاقي صارت ضيقه وجسمي اخترب ونفسيتس مييييح وكل شي اندمر وفي الاخير ليش؟؟؟؟ لانه عبيط!!!!!!!!!!!!!!!! ومعترف انه بس عبيط بس بيحاول يعوضني على كلامه اسفه...........مدري وش كتبت اللي جا على بالي كتبته بس ارتحت.......ابغاكم تساعدوني كيف اسامحه وبقي بخاطري كلام بس والله نفسيتي الان تحت الصفر ومالي خلق اعذروني ازعجتكم...............
__________________
[/IMG]
التعديل الأخير تم بواسطة Reemona ; 21-03-2006 الساعة 05:06 PM