عزيزتي مادام زوجك حس بغلطته فالحين دورك انت
لازم تبداي مع نفسك من جديد حاولي تنسي الماضي ما قولك انسيه على طول لانه ما في احد ينسى بسهوله على الاقل اتناسي اللي صار...صديقيني لو الواحدة مننا تبغى تنسى شئ عمله زوجها راح تحط في بالها انها تنساه وحتنساه باذن الله .. ادري انه الموضوع صعب عليكي لكن لازم تصبري وتكون عندك ارادة وعزيمة عشان ترجع الامور مثل اول واحسن
عالجي نفسك بنفسك الجاي للصلاة في الليل وادعي الله انه يحببك في زوجك ويجعلك تسامحيه (رب العالمين يسامح ويغفر فما بالك بنحن البشر)اذكري محاسن زوجك بينك وبين نفسك لا تحاولي تتذكري سلبياته ابدا ..حاولي تخرجوا مع بعض ...اسفه على التعبير لكن تذكري لو لا سمح الله افترقتوا ايش كان صار فيكي ووقتها راح تعرفي مقدار معزته في قلبك (الله لا يجيب فراق ولا زعل بينكم ثاني )..ترانا ما نحس بقيمة الشئ الابعد ما نفقده ولا نبعد عنه ..
وعزيزتي ترى كثير من الرجال للاسف ما يعتذر ولا يهمه مشاعر زوجته اما زوجك فااعتذر ومراعي مشاعرك وبيحاول يرضيكي وهذه نعمه والله يديمها عليكي
والله كسر خاطري وانت بتقولي على لسانه(قال بس ابغى اطالع فيك واتاملك..قالها وهو مكسور..اعرف من عيونك انك ما تحبيني الا 25%)
اعتبري نفسك عروس جديدة وتوك متزوجة ولسة تبغي تاخدي على هذا الرجل اللي عايشة معاه
ارجعي لدراستك وحيويتك ولا تهملي نفسك وواصلي اهلك واهل زوجك ....
والله يفرج همك ويفك حزنك وكربك ويريح بالك ويحببك في زوجك ويلين قلبك عليه
والله يوفق بينكم ويديم المعروف والسعادة بينكم ويحفظكم لبعض و لا يوريكم شر في بعض ابدا ويبعد عنكم المشاكل
وان شاء الله تطمينيا عنك قريب

__________________
(([blink]رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ[/blink] ))


انت غير الناس عندي....انت عيني ...انت قلبي..انت حبي.