شوفوا اللي صار . . .
يابنات انا البارحة ارسلتكم مشكلتي اكيد تذكرتوني رهوفي
البارحة حضر زوجي من العمل ورديت عليه السلام و رحت لتجهيز الطعام و نحن على المائدة يقول لي :
مالك زعلانة من كلام مبارح ؟
قلت : ليش أزعل انا سرت زي الحيط بطلت أحس
قال : ليش و الكرسي شو
قلت : كمان ما بحس
وسكتنا وسرت آكل و اتطلع عالتلفاز و بعد فترة قال :
بالله انت مش عارفة هالكلام من سنتين
قلت : خلاص عرفته
قال : بس هاد ثمنه غالي
قلت : عارفة
(قبل سنتين عندما حدثت المشاكل بيننا ) ويقصد الكلام الذي جرحني به البارحة
يابنات هو السبب بعدم رجوعي و ضياع ابنته منه ( فكان قاسي و يضربني بعنف كل فترةو أخرى حتى ماصدقت و نزلت عند أهلي و قررت ما ارجع بس سار يبكيلي عالتلفون أنا بحبكو مابستغني عنك و انت كلشي لي بالدنيا ) ورديت عليه و رجعت
مش عارفة هو بتلاعب بمشاعري ولا شو ...
مش عارفة هو بحبني وبكابر ولا بدو ينتقم مني لأنه بنته راحت منه
(( خوفه عليها لأن بيئة امها سيئة الخلق وليس عندهم دين و أمها دايما دخانو الفاظ قبيحة الله يجيرنا منها ))
فللآن هي مع امها و عندها كمان ثلاثة بنت و توأم ولد و بنت لانه كل فترة بنزل عندهم يتطمن عبناته ... وبيرجع ملهوف علي و مشتاقلي كثير و بعد أيام بسير يرجع للماضي
انت ضيعتي بنتي و دمرت بيتنا
سألتوني البارحة عندك اولاد للاسف لم انجب للآن و المشكلة احيانا بيكون متلهف لحملي و أحيانا بحكيلي أنا ما بدي خلفة منك ... يعني زوجي حالة مش مستقر يوم هيك و يوم هيك والله تعبت و صابني ضغط سار عمري 30 سنة و هو 35 سنة لمتى بدي اصبر ؟؟؟؟؟؟؟؟؟؟؟
هل حملي سيحل المشاكل بيننا أم سيزيدها ؟؟؟؟؟؟؟ مع العلم اني تعالجت و أخذت كلوميد كثير و وصلت البويضة عندي 20 و 22 لكن لم يحصل حمل و بصراحة نفسي أحمل
الله يخليكم يابنات اللي بتأدر تساعدني تحكيليكيف أتعامل مع زوجي و كيف أخليه يرجع يحبني و أرجع ثقته فيني
انا اذا تطلقت مين بدو يتقدم لامرأة مطلقة بعد سبع سنوات زواج ...
غير هيك أنا بحبه يا بنات صدقوني أول ما تزوجته ما كنت بحبه أبدا لكن بعد المشاكل زاد تعلقي به رغم قسوته علي أحبه
مش عارفة ليش بعذبني
ومبارح بعد هالحكي سرنا نتابع من سيربح المليون و كل شوي يحكي معي شو بتحكي اي جواب علة شو تراهني و يمزح معي كانه لم يجرحني ....
تعبت ارجوكم ساعدوني
بالمناسبة من اسبوع اصابني ارتفاع بالضغط وصل 135 على 90 و مش راضي ينزل ...
اختكم محتاجة لمساعدتكم فلا تبخلوا علي بالنصح