حسبي الله ونعم الوكيل
ايش فيها الدنيا سارت كذا
لاعاد البنات ولا الرجال يخافون من الله
مو شرط كل زوج خائن يكون السبب بزوجته وتقصيرها بشي معين فيه رجال مايملا عينهم الا التراب
ومو كل زوجه مقصره يكون زوجها لعاب
نقرا عن مشاكل رجال هنا بالمنتدى عندهم زوجات انا ما تحمل اقرا عنهم مو اعيش معهم وعلى كذا الرجال يصبر ويحاول معها
يعني بالنهايه ترجع للتربيه الدينيه عنده الي يخاف من الله مايخون
سواء كان كمتزوج والا لا وسواء كان رجل او امراه

اعتذر عن هذي المقدمه كلها لكن بصراحه حاجه تخلي الواحد بينفجر كم نقرا بشكل يومي عن الخيانه

اما عن صديقتك اختي الفاتنه
فانا اشوف انها تفكر اولا ايش ممكن تكون الاسباب
اذا كان تقصير او خلافه تحاول تلحق الموضوع بدري
اذا كان كذا بس حاب يتسلى انا اشوف انها تصارحه وبهدوء مو انفعال لان الانفعال بهذي المواضيع مايجيب نتيجه
لكن بكل الاحوال تحسسه انها تعرف وساكته بمزاجها وانه مو مستغفلها
ونصيحه ثانيه بعد لاحد يعرف بموضوعها يعني انتي صديقتها وخلاص يكفي لكن اهلها او اهله يزيدون الطين بله
حتى هو ممكن ياخذ الموضوع بعناد اذا حس ان اهلها بالذات يعرفون

بالنهايه اقولها
مالها الا رب العالمين تدعي اخر الليل وتسال الله ان يهديه
وهي الي تعرف نوعية زوجها وتعرف مداخله ومخارجه يعني بيجيها نصايح كثير من كل مكان لكن هي الاعلم بالطريقه المناسبه لنوعية زوجها

والله يسهل لها امورها ويهدي بالها ويرد عليها زوجها

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده