اختي الحبيبه رب العالمين يحبج
اي نعم يحبج
الرجل ملول يعني انسي بعد ما يمل منج يرجع مثل السابق ... و انتي اب نفسج تقولين انه ما يبيج تسلمين عليه و بارد معاج و قاسي ..اختي مازلتي عذراء على حسب كلامج .. انتي بعدج على البر ..الاخ ماخذ بنت الناس يستر على نفسه و مشكلته ليش متزوج من اساسه !! ... يكذب اختي من يقول ان الجنس غير مهم بالعلاقه الزوجيه فالمصيبه تكمن بالفراش اغلب الاحيان ... اذا انتي عروس و في حاله احباط شنو تتوقعين بعدين ؟؟ اختي ممكن اكون حاده معاج لكن انا قلبي على خواتي الي يشوفون الهوايل و يطيح الفاس بالراس لكن انتي اختي ما خسرتي شيءلين الحين هو رجل يمشي و يتزوج بس البنت حقها تاخذه بالاخره ..اذا تبينه و تبين اتمين وياه تحملي الي راح ايجيلج و لكن اذا لج قرار اخر يجب مصارحة احد كبير ك اختج او امج لانه الموضوع ما ينسكت عنه و هذا يا اخوان مو فضح الاسرار يجب تدخل احد كبير .. اختي خالة صديقه لي كانت متزوجه من 10 سنوات و ما زالت عذراء و ما عندها ذريه و فوق هذا الزوج اخذ كل فلوسها و هم الان بالمحاكم كل واحد يقول هذا لي و هذا لي ... اختي ما ابي اخوفج لكن انا لي الكثير من المعارف و اسمع و اشوف .....لحقي على نفسج بعدج بالبر
اختج بني