منتدى عالم الأسرة والمجتمع - عرض مشاركة واحدة - عندما انهارت القدوه
عرض مشاركة واحدة
قديم 28-03-2006, 03:08 PM
  #2
ختام
قلب المنتدى النابض
تاريخ التسجيل: Mar 2004
المشاركات: 926
ختام غير متصل  
التقليدي

انا لست يائسه
بس الحين اشوف من نفسي الهروب والانسحاب
اتخيل ردة فعله قبل مايسويها
خذت عنه فكره مني بقادره أغيرها

الواقع يصدمني

تخيل إني أنام بجنبه وأتخيل إني أكلمه وأتفاهم معه
لما أٌول له أحبك أحس إنها تطلع بدون نفس
أحبه نعم
ولكن ماتت المشاعر الوالهه

قبل لاانجب يقول اهتمامك فيني كله بيتغير بعد العيال

أنا أشوف نفسي صرت أهتم فيه أكثر وهو مو داري

أنا أحب أن يكون للرجل كيان وشخصيه
ولكن ماحسيت إنه أفضل مني
ماأحس إني أقدر أشاوره أو آخذ رايه

لاأحب أن أمتدح شخص أمامه أو تصرف من شخص أعجبني لأن رده تجريح وبيان الجانب السيء من الشخص اللي اعجبني

حتى أهلي كرهني فيهم

شلون ابوك كذا
ماأعرف امك شلون كذا
انتي شفتيها مره تصلي

كله يلوب ويتحلطم
وماأحد في الكون عاجبه

أنا عندي طموح اني أخليه طالب علم وداعيه ومعلم تحفيظ
بس هو مو راضي يعطيني فرصه
أنا ماأريد تغييره بكثر ماأريد أن يضع يده في يدي لنتلافى أخطاء بعض
ونبني حياه مستقره

لايريد مني الحنان فأمه مشبعته حنان ودلال
وأنا ماأبيه طفلي المدلل
أنا مليت أشوفه الطفل المدلل عند أهله


مثلا مر زوجي جنب الباب وضرب طرف رجله
يصرخ ويقول آي ويعرج

تقول أمه:
(ضربك الباب آه أحس إنها في قلبي
تعال أدهنك)
وغيرها من المواقف اللي تحسسني ان اللي عندي طفل دلع

تربية اهله لها دور كبير
يعطون الطفل اكبر من حجمه ويربون عيال ماتتحمل المسؤليه
فيهم طيبه غير طبيعيه ولكن الحلو مايكمل

أكرر واعيد ىأريد رجلا يساعدني على مواجهت الصعاب
نبني طريقا الى الجنه
__________________
سبحان الله وبحمده سبحان الله العظيم