[frame="2 80"]مرحبا ممكن تساعدوني انا من يومين جتني بنت جديدة بالجامعة وكانت مع ريلي بنفس الجامعة وهي بنت ماشالله عليها اخلاق عالية ومتزوجة ولمن عرفت اني مخطوبة لواحد معاها قالتلي انة موب زين وان كل يوم مع بنت شكل وانة كان يحب وحدة وخطبها وتعلق بيها ولين الحين متعلق بيها انا انصدمت انا ادري انة كان خاطب وحدة بس اللي قالة لي قبل انة تركها ونساها يعني بختصار طلع مايحبني تغير علي تصرفاتة جرحتني وعذبني وايد وايد احس نفسي طفرانة وروحي بتتطلع خلة ليلي نهار ونهاري ليل شنو اسوي امي درت وقالتلي اتركية لان انا اتنازلت عن وايد اشياء (رضيت اعيش مع اهلة عشانة ورضيت اوقف دراستي الهندسة بعد عشانة وتنازلت عن وايد اشايء عشان خاطر عيونة وانة بس يرضى لكن الاسف طلع خاين انا شفت بعيني مسجات بنات ومكالمات قالي انا ماشتريهم ولو ابي اي وحدة ماخطبتج انتي لكن حتى ولو هو موب صادق معاي وانا اهم شي عندي يكون صادق صدقوني انا ماحبيت غيرة فتحت عيوني علية هو كل شي بحياتي صار صرت اخاف منة وماابي حتى اشوفة يوم صارحتة قالي اذا تبين انتي بطريج وانا بطريج انا خايفة على سمعة ابوي انا ابوي دكتور بالجامعة وصرت اخاف من كل شي وربي ماخليت شي ماسويتة البس احلى البس واغلى عبايات عندي واغلى ميك اب والحمد الل[COLOR="Red"]ه [/COLOR]كل اللي يشوفني يقول اني حلوة بس مع هذا مااحس بحبة مااحس انة يخاف علي ولا يغار صدقوني تعبت ومرضت ودخلت مستشفى وهو ماجاني تحجج عندة امتحان وانا كنسلت مادة كلملة يوم يجي يشوفني عشانة ابي منكم تساعدوني انا ماابية خلاص صح بعدني احبة بس مااقدر اسمتر بعذاب انسان مايحبني وبعدة متعلق بغيري حتى ثقتي بنفسي راحت يوم اكون معاة احس اني مالي قيمة ولا اهمية احس نفسي مكسورة بس معاة هذا الاحساس يجيني ,,,,,,,,,,,,,, بقلبي محمد[/frame]