مرحبا اختي
بصراحه انا ماعندي أطفال
بس ان شاء الله باللي أشوفه جدامي من الاهل بقولج وسوي يمكن ينفع معاها
مثلا مسكي بنتج الكبيره تكون الصغيره نايمه
ودلعيها انتي حبيبتي انتي أحلى وحده والمطيعه خليها لما تكونون بالمطبخ تشيل شي خفيف وتساعدج
ودايما قولي أحسن بنوته انتي وخليها دايما اهي الاحسن
وحاولي اذا قعدتي مثلا تغيرين بامبرز الصغيره خليها اهي تساعدج شلون؟؟؟؟؟
تعالي ماماهذه مو اختج الصغيره انتي لبسيها حتى لو كان غلط بس خليها تكون حنونه على اختها وتساعدج
اشتري لهم حوض صغير واشتريلهم ملابس للسباحه نفس الشي وخليهم يلعبون مع بعض
أعرف وحده من أهلي من كثر ما اتبعت هالاسلوب صارت تموت بأختها الصغيره
واذا بجت تقوم تركض لها قبل أمها
اشتري قصص تبين شلون الكبير لازم يحب الصغير
بما انها في هالسن يعني تقدر تمسك القلم اشتريلها كراسه وألوان وخلي أغلب الرسومات اللي موجوده
تكون مثلا اثنين بنات وحده صغيره والثانيه كبيره
وقوليلها شوفي ماما هذه انتي واختج
شوفي شلون بالرسمه يضحكون ويحبون بعض مثلكم بالضبط
صدقيني راح تحس انها قريبه من اختها وايد
لما تسبحين الصغيره وتخلصين ناديها قوليلها ماما تعالي ساعديني نلبسها لانها صغيره وماتعرف تلبس وخليها اهي تمشط شعر اختها
مادري بعد هذا اللي أشوفه جدامي كتبته لج انشاء الله ينفع معاها
أكيد الحنيه والحب ماراح تيي بين يوم وليله بس انشاء الله تصير اوكي مع اختها
وآخر شي أقولج اياها لاتتبعين اسلوب الصراخ ترى بعدين ماراح ترتاحين بالمره راح تروح وترد تشيل بقلبها حقد ناحية اختها
وطمنينا بآخر الاخبار
__________________
التعديل الأخير تم بواسطة وجه الخير ; 03-04-2006 الساعة 02:31 AM