مرحبااااااااااااااااااااا
خلطاتكم ما شاء الله روعه لانها كلها أشياء طبيعية
بس خواتي معروف ان اسوداد مناطق الجسم سببها جفاف في المناطق
و للحصول على لون جميل عليكي بترطيب البشرة على طول
و انتي عاد تفنني في استخدام المرطبات
أنا شو أسوي
بعد الاستحمام و قبل ما انشف جسمي حاطه لي في الحمام غرشة كبيرة فيها علبة جلسرين السائل كاملة
و شوي بس زيت زيتون و باقي الغرشة كملتها نصفها زيت اللوز و النصف الثاني زيت الأطفال و دائما أدهن جسمي بعد الحمام و اسوي مساج خفيف لمدة دقيقة و بعدها اطبطب على جسمي بالمنشفه عشان تجفف جسمي من الماي
و مااااااا أستخدم مزيل العرق و صدقوني يا بنات ما تطلع ريحة لأن الابط نظيف و مافيه ولا شعرة .. و أنزع الشعر بالماكينه لان الحلاوة ما تشيل الشعرات الصغار
و بالنسبة لسواد الركبة و عندي منطقه ثانية غامقة و هي منطقة الجوزة في القدم .... هذه المنطقتين استخدم لهم خلطة صغير و سهلة و جدا مفيده .. و هي ملعقة فازلين و ملعقة جليسوليد الأحمر و ملعقة زيت جل للأطفال من بيبي جونسون و ادهن المنطقة بيه دائما .. والله يا بنات شفت و لمست الفرق بعيني .. ماراح اقول لكم انه بيااااااااض ولكن خف السوااااااااااد وااااايد و قريب للبياض و انا مستمره عليها ان شاء الله ..
استخدم الحمام المغربي في البيت .. بصراحه جربته في الصالون بس ما حسيت بفرق .. لكن يوم سويته في البيت شفت الفرق بنفسي و قررت اني اسويه دائما في البيت كل اسبوع مره..
الحمام المغربي .. استخدم صابون الدلكة المغربية اشتريته من القرية العالمية في دبي ... اوقف تحت الماي الحار لين ما احس ان جسمي سخن تقريبا 10 دقايق ... يقولون لازم افتح الماي و اخلي الحمام يتبخر و بعدها اوقف مادري كم ساعه .. انا ماقدر اصبر لاني عندي اشغال .. اوقف فترة بسيطه و بعدها امسح الدلكة على جسمي .. انتي ممكن تستخدمين الصابون السائل او الصابونه العادية عادي المهم مغربي .. واتم ادلك جسمي فيه فترة حوالي 10 دقايق و بعدها افركه بقفاات البودي شوب .. طبعا كل شوي اغطي القفازات في ماي حار و افرك جسمي ..
و بعدها .. اغسله بالماي و بصابونه عادية عشان اتاكد ان آثار الدلكة راحت .. وآخر شي ادهن جسمي بخلطة الزيوت..
بنات انتو يمكن تشوفونها شغلانه .. لاكن اذا جربتوها كم مره بتشوفون انها ولا أسهل
لوجهي استخدم قناع جدا جدا جدا رائع .. و هو .. اللبنه ... ما استخدم الروب لانه يسيح و يوصخني و يبهدلني .. استخدم لبنة و عسل و كركم ... ماعندي مقدار معين بس شوي من كل شي تكون خلطه قليلة حق الوجه بس و كثري من الكركم و حطيه على الوجه حوالي ساعه .. 3 مرات في الاسبوع .. و ان شاء الله بتشوفون الفرق بعد اول اسبوع ..
على فكره .. انا استخدم كركم الأكل ... و بمجرد ما اغسله يروح اللون ما تتم صفارة في وجهي
طولت عليكم
و ان شاء الله أكون أفدتكم