السلام عليكم
بصراحة تعبت وأنا أعصر مخي علشان افيدكم باي شي لغاية ما فكرت بهذه اللعبة
وجربتها وكانت النتائج
اللعبة باختصار
تجيبوا ورقة وقلم ترسم بالقلم خط بالطول يقسم الورقة الى نصفين
تكتبي على نص اسمك وعلى النص الثاني اسم الزوج
نجي للعبة وسميتها (لعبة الذكريات السعيدة)
تبدأي بأن تذكري زوجك بموقف او حدث جميل في حياتكم فاذا تذكره أسأليه سؤال عن شيء داخل ذلك الموقف
مثال: تذكر لما طلعنا نتمشى على البحر اول مرة في حياتنا وكنا ماسكين ايد بعض وكان منظر الغروب جميل ......
الى آخر الموقف وتسأليه تتذكر؟ اذا قال نعم اسأليه مثلا : كم كانت الساعة ؟ او ايش كنت لابسة؟ او اي سيارة رحنا فيها؟ او ايش شربنا ؟ اي شي (اذا ما تذكر الموقف خير شر غيريه واحكي موقف ثاني)
اذا جاوب اجابة صحيحة تكتبي نقطة واحدة في الورقة تحت اسمه
اذا ما جاوب صح تكتبي صفر
ويجي دورك بنفس الطريقة هو يحكي لك
وانت تجاوبي
واللي يجمع نقاط اكثر يفوز بجائزة وهي
عزيمة عشاء بمطعم
او اي شي تحددوه انتوا
ها ايش رأيكم؟