بصراحه وكل صراحه
الحريم قبل الزواج يبينون للرجال وكأنهم ملائكة والرجال يبينون للنساء وكأنهم بيشيلونهم على كفوف الراحة
وبعد الزواج يبين معدن الاثنين
أو
وآخ من أو هذه
يتدخل الاهل أما بالخير أو كأغلب الاحيان ونتيجة لتجارب شخصية يتدخلون للخراب فهذه (تنصح) الزوجة لاتعطينه وجه وخليه دايما يترجاكي علشان تثبتين شخصيتك وتطلبين الي تبينه وهذا ينصح الزوج خلها تولي ولاتعطيها بال علشان تحترمك
النصيحه للزوجه بوسي زوجكي عند الباب وفي الصالة وفي غرفة النوم وغرقيه بالعسل علشان لايدور على العسل عند غيرك
وانت ايها الزوج الهمام اشبع زوجتك واملأ عينها بالرجولة والشهامة والاحترام علشان لايأتيها من يشغل مكانك ( وافهمها ياشاطر)
أما من ناحيتي فأني اطلع من البيت فجرا وزوجتي نايمة وارجع لهم عصرا ولم تسمع مني زوجتي كلمة تزعلها وهي لاتتكلم لا بالخير ولا بالشر وشايلة ايدها عن الناس ومشاكلهم
طبعا لازم انا ابوسها وهي نايمة وانا طالع وارجع ابوسها وانا راجع وقد سألتها عن مشاعرها لما اطلع تقولي اتمنى في قلبي انك تعود بالسلامة
قلت لها ليش
تقولي علشان انت ريال البيت الي يصرف علينا
يعني اجابة واقعية 100% مو علشان تحبني او علشان انا ابو عيالها ولكن علشان المصرف
انا متقبل هالاجابة لان هذا طبع اغلب النساء وشي طبيعي ان المرأة تدور مصلحتها
والسلام عليكم ورحمة الله وبركاته