السلام عليكم يا اخوااااان وخواااات .....

لمن يتذكر طروحاتي السابقه انا شخص مقبل على الزواج ....بحثت فدلتني اختي على صديقتها سألت عتها وعن اهلها وارتحت لهم..... اختي كلمتها وابوها طلب مقابلتي .....قابلته ويبدوا انه ارتاح لي كثير وانا ارتحت له......

اهلي زارووهم من يومين وقالولي ودنا ..واستعد يمكن يوافقون يدخاونك اتشوفها النظره الشرعيه....

نطرت على اعصابي واستخرت ...... ول جاني اتصال من خالتي قالت: استعد,,,,, قلت لها :رحنا فيها


وبعد يمكن نص ساعه قالولي ادخل...قريت اية الكرسي والمعوذات ودعيت الله يبين لي الامور ويريحني ويريح هلي لما فيه الخير لي وللبنيه...
وجادت خدامتهم عمد الباب وقالت ادخل .."""سميت ودخلت وانا خايف"""

جلست سلمت على امها ومبين عليها طيبه....
جلست عند خالاتي وطبعن استلموني ... وضحكوا شوي وما كانت البنت موجوده....



جات البنت ....-موقف محرج لي ولها-

قالت خالتي سلم عليها :::: انا قلت اشحالك "اسمها " -كني اسلم على واحد في المجلس- قالت الحمدلله

وانا اطالعها وهي المسكينه اظن ما طالعتني كلش....وانا صراحه مقبل على الزواج منها ونيتي طيبه فقعدت اشوفها واخزها وهي مسكينه منحنطه ..واظن انها ما شافتني ههههههه


الحمدلله انا ارتحت منها واهلي استانسوا عليهم كثير وامدحوا اهلها ..... وانا استخير ومتوكل على الله وان شاء الله بعد ما يرجع ابوي من السفر بنمر على ابوها ونخطبها رسمي....




كل هالمشاركه عشان ابشركم...... وكذلك انا اطمع في دعائكم ...ادعولي الله ييسر الي فيه الخير واذا كان نصيبي معاها يعجل زواجي ..... ادعولي