محتاجه مساعده منكم لاني لاحظت مساعدتكم لكل الموجودين
السلام عليكم
لكل الموجودين
بصراحه انا كنت بعمل مره بحث عن مواقع بتخص الزواج ولما لقيت هذا الموقع شدني كتير وحسيت انو كتير مفيد وكتير محترم وكتير فرندلي وحبيت اني اشارك بمشكله عندي لقيت انو في وحده تانيه حكت عنها لانو رفيقتها بتواجه نفس المشكله بس انا هلا عم بواجه نفس المشكله وما لقيت الا اني اكتبلكم واسال اذا حدا عندو حل الي كمان.
انا بصراحه متزوجه من سنتين وهلا انا حامل الحمد الله على كل شي ربنا رزقني فيه بس المشكله عندي مدمره حياتي لما كنت صغيره في وحده الله يسامحها بعرفها علمتني على العاده السرية وهي أكيد شي مو منيح وسئ و كانت ------------------------وضلت معي لغاية ما كبرت، وبصراحة ما كنت بعرف انها العادة السرية الا لما قريت هون بهادا الموقع انها العادة السرية بس كنت احس زمان اني بعمل شي غلط بس كنت احب اعمل هيك لاني كنت انبسط بس الاهم من هدا كلو فكرت انو بس اتزوج ما رح اعمل شي بالحمام وللاسف صرت اعمل هيك اكتر من اول والسبب انو زوجي ما بيعرف يتفاهم معي بأمور الجنس وحاولت كتير افهمو اني ما برتاح وما بنبسط بس ما في فايده دخلت النت وبحثت عن مواقع وضليت اطبع باوراق كتير واعطيتو اياه عشان يقرا ويفهم شعوري بس ما فهم واخذ الموضوع عادي وبرضو حكتلو بصراحه اني ما بدي اغلط ما حدا تاني وما بدي اكون بنت مو منيحه انا تربيت اني اكون زوجه صالحه بس انت بتعطيني مجال لشي تاني برضو ما اهتم وما ناقشني المهم حكيت في بالي خلص رح اخليه على راحتو و متل ما هو بدو رح اعمل ولما هو يحب يطلب مني انا موجوده تحت أمرو بس انا اطلب منو ممارسة الحب ما كنت أعملها أكيد بس لما كنا نمارس الحب اول شي كنت أعملو بعد ما يخلص اقوم بسرعه الحمام عشان اكمل ----------بس زهقت وتعبت ومليت وندمانه كتيييييييييييير كل هدا عشان ما اعمل شي غلط وارضي زوجي ولاني بحبو كتير وهو كل شي بحياتي واعتبرت نفسي مو مهمه هو اهم ولازم اخليه مبسوط بس بعد ما حملت زاد الموضوع عندي نفسي بزوجي بس ما بنبسط -----------------------وهاي هي الوسيلة الوحيده والمنفس تبعي.
انا اسفه على تعابيري بس على قد ما اقدر حابه اوضحلكم مشكلتي ونفسي فعلا حدا يساعدني وبما انكم عيله وحده حابه اكون كمان منكم وفيكم اذا رحبتو فيني وان شاء الله ما اكون حكيت شي يدايقكم.
بطلب من كل واحد اذا عندو حل انو يساعدني بسرعه وبشكر قلبكم الكبير والواسع لكل واحد منكم موجود .
اختكم في الله
التعديل الأخير تم بواسطة رقة ; 08-04-2006 الساعة 04:28 PM