السلام عليكم ورحمة الله وبركاته

اختي الغالية

انا حاسه فيك واعرف انه صعب على الانسان ينسى الانسان اللي حبه ... حتى لو تسبب في جرحه .. بس اختي ليش تساعدينه وهو كان السبب في تعاستك .. لا تقولي لي احبه وما اقدر اشوفه يتعذب .. عيل كيف هنتي عليه وخانك .. اختي الغالية اتمنى انك ما تزعلي من كلامي .. وانا اشكثر عنت لي مشاركتك بموضوعي .. بس بقولك شي .. انا تقريبا مريت بنفس الموقف .. رغم معاملة خطيبي القاسية لي الا اني ما كنت ارفض له اي طلب بس بحدود المعقول .. يا ما هديته هدايا في يووم ميلاده بس هو عمره ما تذكر يووم ميلادي .. ياما عطيته فلوس يووم كان محتاج مع ان المفروض يصير العكس وهو اللي يصرف علي مب انا اللي اصرف عليه .. بس في النهاية شووو صار .. يهيني ويهين اهلي .. ودووومه يذلني .. بس كنت اصبر واسكت واقوول بكره بيتغير .. بس الظاهر ما في فايدة .. خلاص عفته وقررت اتركه .. بس انتي اختي ليش تساعدينه .. اكسبي اجر وثواب في حد يستاهل .. مثل ما قالوا الاخوان .. لانه حتى لو سويتي هالشي اولا هو انسان غريب بالنسبة لك وثانيا حتى لو سويتي هالشي ما راح تكسبين شي .. اتمنى ان كلامي ما ضايقك .. بس فكري بمصلحتك وخلي عنك العواطف ..

اختك في الله انين