دخلت قبل ساعة تقريبا
وقرأت ردودكم مره واثنين وثلاثة

دمعت عيوني وطلعت ما قدرت ارد
وركض عالحمام عشان محد يشوفني توضيت وصليت عشان تهدى نفسيتي

ما ادري هل هو تأنيب الضمير ولا انا احس ان محد قادر يفهمني
كلامكم كله مكرر بالنسبه لي ومرت علي هالنصائح كثير
ويمكن كنت متوقعه ردود بعضكم بس...
انا احس ان صار عندي تشبع من النصائح ابى حد يعطيني طريقة
شي فعلي اقوم به
بدون ما انذل ولا احس ان كرامتي ضاعت مع هالرجل
خاصة اني انا دائما المبادره بالمصالحه سواء هو اللي كان زعلان ولا انا
ما ابى حد يقولي ارجعي له واصبري والله يعوضك
ابى اتحرك اسوي شيء فعلي يأثر انا مؤمنه ومدركة ان كل شي نصيب
بس اكيد في خطوات وحلول لكل شيء

انا اقولها وبصرااااااااااااحه بعد تردد وبدون خجل
انا محتاجة لزوجي
هذي المشكله باختصار

اقولها هنا بكل سهوله بس استصعب قولها له شخصيا
فنحن ما تعودنا نصارح بعض بهالمشاعر
هو لم يبدأ وانا ايضا
جربت فالترة الاخيره اغازله اتقرب منه بكلام شبه حلو
ولما شفت ما في تجاوب تراجعت
بصراحه انا اخجل من اني اعبر له عن مشاعري

اقدر اقوله انت كريه وحقير وما احبك
بس اخجل او ما اتنزل اقوله احبك ومحتاجة لك

يمكن هالشيء خلاني اسوي كل هالمشاكل عشان اخليه قريب مني
يعني بطريقة غير مباشره
وانا اعرف انها طريقة غبيه واصعب من اني اقوله له صراحه
بس هو ما عودني على هالاسلوب.. ولا يحاول يجاريني فمحاولاتي....

برد على كل واحد برد آخر
عل وعسى نطلع بحل ...