مبروك الحمل عزيزتي

ان شاء الله يتربى في عزكم بعدين ( إنتي وزوجك)

اسمحيلي إختي ولكن وكما أرى ما فيه ذرة احترام بينك وبين زوجك ...

والصراحة بينكم معدومة ..

إنتي متعودة على ستايل معين وإلحين انصدمتي بأسلوب حياتك معاه

ليش؟ ما كنت تدرين إنه كذا ؟ وظروفه كذا ؟ وإنه من مدينة غير مدينتك بعد ؟

وبعدين يا حلوة اللي أعرفه إنه البنت تعيش في بيت زوجها وفي مدينته بعد ..يعني توقعي بعدين إنك راح ترجعين لمدينته شو بتسوين ساعتها ؟؟؟ لازم تتقبلين الوضع وتتكيفين معاه

بالنسبة للمصروف فهو أحد "أبشع" المواضيع الي تكون بين الزوجين .. أبي أسألك إنتي تشتغلين ولا لأ؟؟؟

إذا ما تشتغلين بنقول إنك حاسة بضيق في مسألة الصرف أما إذا كنتي تشتغلين فما أدري شو أقولك بصراحة

أبي أقولك شي يا إختي يختصر عليكي كل اللي إنتي فيه :

إنتي تدرين من البداية إنه فقط مقيم عندكم في مدينتك صح ولا لأ ولا تقولين إنك مو متوقعة ها الخرابيط اللي بي شغله

اصبري عليه وبدال ما تكونين ضده وتزدين عليه اللي هو فيه فهو أكيد ما يحب يتعذب ويروح من مدينة لمدينة ...كوني له عون وليس العكس ...

واخلقي بعض الإحترام بينكما ..فإذا فقد الإحترام لم يعد للحب ذكرا .. مع إني شاكة والله إنك تحبينه ؟؟؟أو إنكم تزوجتوا عن حب

والسلام على من اتبع الهدى

__________________
الظلال تمد ايديها لنا !
هل يا ترى تكون ارفق علينا من الضوء؟