اختي لؤلؤ مكنون جبتيها على الجرح انا حاليا امر بهالمرحله مع خطيبي دايم معصبين وكل فتره هوشه هذا الشي

في نظري مو عدم توافق او شي غير اعتيادي انا رح اتكلم عن نفسي لاني بصراحه ما اعرف ابدا اتعامل مع اي

شخص من بعيد او عن طريق التلفون وانا اشوف انو هالشي هو اصل المشكله لعدة اسباب:/

1- كل شخص في هالفتره يحاول يفرض شخصيته على الثاني الزوج يقول انا الرجال ومفروض تسمع كلامي

والزوجه تقول ( الزوج على ما تعوديه ) خليني اعوده من هالحين انه يمشي على كيفي وطبعا هذا تفكير خاطئ

واكتشفناه مأخرن انا وخطيبي وقاعدين نحاول نتجنبه .

2- احيانا يمرون الطرفين بظروف ما يقدرون يحكونها لبعض مع الاهل عن الزواج وعن تبعاتها خصوصا الزوج وهالشي

يأثر عليه طبعا يصير قلقان ومتوتر يسمع كلام مين.

3- اثنيناتهم في بداية الطريق ولسى مايعرفون طباع بعض وصعب يتعودون عليها بسرعه .

4- وهو السبب الاقل احتمالا الزوجين بهالفتره يحاولون يتقربون لبعض ويحبون بعض فاذا بدا الحب بدات الغيره وحب

التملك وتبعاتها طبعا في فرق بين الحب والاهتمام فاغلب العلاقه بفترة الخطوبه اللي هي اساس (ملكه) تكون اهتمام .

الحلول من وجهة نظري :/

1- هذا حل ونصيحه لكل بنت لا تطولون فترة الملكه لانها مهما طالت مرح تكون العلاقه اللي بين الطرفين هي العلاقه

الحقيقيه .

2- تبتعد المخطوبه قد ما تقدر عن امور الزواج وتخلي الزوج واهله يسون كل شي وهي بعدين على راحتها بتغير

لا تسبب عداوه بينها وبين اهل زوجها من بدات المشوار وتتذكر انهم هم اللي اختاروها لولدهم .

3- تحاول تحبب زوجها فيها قد ما تقدر لان مرح يمشي كلامها بالغصب تتذكر انهم لسى ببداية الطريق ممكن يقول

خليني اختصره واتركها واريح نفسي مع انها ممكن ما تكون شخصيتها بهذا السوء.

4- وهذا اهم شي بصراحه لا تسمعين مشورت احد اتبعي قلبك لانك ممكن تلجأين للشخص الغير مناسب ويدمر حياتك

بدل ما يبنيها انتي اقرب وحده لخطيبك وعلى الاقل تعرفين عنه اشياء غيرك مايعرف وممكن يحكم عليه حكم ظالم.

* من وجهة نظري اي شخص بينصحك بشي مو كويس هذا مايحبلك الخير

5- تحاولي اذا صار بينكم مشاكل او نسميها سوء تفاهم لانكم لسى ماتعرفون بعض حاولي تلمين الموضوع وتتكلمين

معاه بهدوء لانه اكيد متعود على صراخ امه وابوه فتجين انتي تكملين الناقص .

6- خليك دايم الصدر الحنون اللي يجي يرمي كل همومه عليك وشجعيه على طول وحسسيه بقيمته .

*** هذا اللي اكتشفته لحد الان وصدقوني رح تسعدينه ورح يسعدك باذن الله الرجال ما اعتقد انهم صعبين لهدرجه ..


اتمنى تستفيدون من تجربتي وتحاولون تعدون هالفتره الحرجه بسلام وبعد الزواج رح تتغير

اشياء كثيره .. والله يوفق الجميع


تحياتي ... لحظة حنين