شكرا لكم على ردودكم التي ساعمل بها واعود اليكم بالنتيجة

اختي جارة القمر هو يتذمر من اقل كلمة ممكن اقولها ويفهمها غلط، وخصوصا اذا ما دافعت بقوة وشراسة عن حبي له، هو يبي الشي بطريقة مبالغ فيها، وانا احبه اكيد بس الحياة مو مبالغة.. اعطيج مثال: البارحة قال اذا صارختي مرة ثانية انا راح اتصرف واقول لج باي باي، انزين انا فهمت انه ممكن يتركني فقلت له : الزواج رباط مو بسهوله ينفك، زعل وقال: مو بسهولة؟ يعني قصدج انه ممكن انه ينحل بس مو بسهولة؟ يعني انت ممكن تتركيني في يوم من الايام، مع انه والله ما كان هذا قصدي، واظن ان قصدي كان واضح.

اختي منى، انت قلتي : (لكن هذى مشكله الزواج عن طريق حب فيتصورون الحياة شهر عسل ابدى لكنهم يصدمون بالواقع فيما بعد) .. انا ما شكيت من زوجي انا شكيت من طريقة تفكيري ، لاني ذكرت ان زوجي مو مقصر معاي بشي ويحبني ويدللني، لكن المشكلة هي شوقي الدايم لبيت ابوي وحياتي معاهم، ويمكن مثل ما قالوا الاخوات اني للحين ما تعودت على حياة الزوجية.

اختي لمياء: وايد صعبة انه يشتغل الصبح او بعد الظهر لان هذي طبيعة عمله، تلزم ان يمون عمله مسائي


اختي منو 2006 : صح كلامك انا ما تعودت على الهدوء، وان شاء الله ما افقد النعمة اللي الله عطاني اياها وهو زوجي لانه روحي واذا فقدته اموت