منتدى عالم الأسرة والمجتمع - عرض مشاركة واحدة

19-04-2006, 11:09 AM

79جنى

عضو جديد

تاريخ التسجيل: Apr 2006

المشاركات: 26

ممكن افضفض..

0033FFالسلام عليكم ورحمة الله وبركاته ....

انا جديدة في الموقع ولكن انا متواصله في قرائتي للموقع ..والصراحه .. كثير عجبني الردود والتفاعل مع الكثيرين من الاخوان والخوات .... كل الموضوع ان في قلبي ضيق ولا اقدر ... افضفض لا حق اهلي عشان ما ياخذون موقف مني او من اهل زوجي ... ولا اقدر اشتكي لزوجي عشان ما يقول عني كثيره الشكوى .....

المهم انا حياتي الزوجيه نوعاً ما مستقره والحمدالله ماشيه ...وفي تفاهم بيني وبين زوجي .. بس الفتره الاخير .. يا سبحان الله المشاكل صارت شوي شوي تكبر مو بيني وبين زوجي بس بين اهلي واهل زوجي .... المشكله الاولى والي توها صاير وما قادره اتعامل معاها .. وهي ان في حفل استقبالي .. ام زوجي اهدتني هديه .. وكانت الهديه خاتم طبعا انا لمن شفت الهديه كان كلش الذهب شكلو قديم وكأنو مستخدم بس قلت يمكن خاتمها وما عندها عشان كذا اعطتني الخاتم هذا .. مع ان اهل زوجه مستواهم جيد والحمدالله لا غنى ولا فقر .. وامي اهدتني هديه تلفزيون كبير ومع غساله ... شتان بين الهديه بس الهديه من القلب تكفي ... المهم اراد الله اني انسى الخاتم في بيت امي ,, وامي شافت الخاتم عندها وكان عندها صديقه اهدتها حجر كريم فيروز ..ثمين .. وقررت تشيل الفص الي في الخاتم لأن مو كريستال ولا شي ..بس فص عادي وتحط الفيروز بداله ... وراحت عند الصايغ وقال لها ان الخاتم ما يسوى .. فلـــــــــــــس امي انحرجت كثير .. وزعلت وشالت في خاطرها كيف ام زوجي تهديني هديه مغشوشه .... واتصلت فيني وعصبت علي وعلى ام زوجي وكانت تقول لو ما هدتكي كان احس ,, او لو عطتك اي شي بدل الخاتم الفالصو كان ارحم .. لأن بالحركه هذي قللت من قدرك واحترامك .. المهم انا حاولت اهدي امي .... واقولها خليني اعرف الموضوع وارجع لك ,,, اتصلت في زوجي على طول وحكيت له الموضوع وطلبت منه ان يسأل امه الخاتم ما عطينها اياه ولا شاريته ..... ورجع قالي الخاتم اصلا ما عطينها إياه

شفتو المصيبه .... يعني اولا الخاتم كان شكلو مره قديم .. وقلت معلش دام من ام زوجي بلبسه . وثاني شي مو ذهب وثالث شي عطيه من ناس يعني ما حتى تعبت نفسها واشترت خاتم لو بعشر دنانير بس ... ومن كم يوم رايحه تشتري طقم جلوس حق بيتها .. شفتو القهر ...... ولمه خبرت امي وحاولت اطلع ان خالتي ماعطينها الخاتم وهي وما تدري ان الخاتم مو ذهب امي عصبت علي واتهمتني اني ادافع عنها .. واني منزله قدري ,,وووو وما ابي اقول ازيد ... بس الصراحه امي معاها حق بس انا سكت عشان ما زيد الموضوع
الموضوع الحين مو عشان خاتم ذهب ولا غيره ..بس فعلا ... ام زوجي ... في صفات كانت كثيره تضايقني وكانت كثير تطلب مني اغراض ... وحتى يوم عرسي كانت تبي اشيل معاها مصاريف العرس مو عشان ما عندها بس البخل الي فيها ... وكانت تتصل فيني كل يوم عشان اتقول لي ان ولدها ما عنده ومادري كيف ... مع والله والله ان عرسي سويته بما يرضي الله ويرضي زوجي واني ما كنت اشك خيط بأبره الا وزوجي راضي عن كل شي ... المهم وكانت طلباتها تزيد يوم عن يوم .... بس كنت اسكت واحتسب .... لدرجه لمه اعزم اصدقائي على العشا ترسل لي بنتها عشان تبي اشيل لها من العشا ......مع اني حاسبه حسابها والله ...... ا
ادري طولت عليكم بس ابي اقول الي في قلبي ... المهم ام زوجي طلعت غلطانه والمفروض كان على الاقل تتصل في والدتي او فيني عشان تصحح موقفها ..... حتى لو كان الخاتم ما عطينها إياه .... تصدقون مرت 5 ايام ولا اتصلت ولا عبرت وكأن صاير ,, شي والاسبوع الي طاف زوجي قالي ..اليوم الغدا عند امي قلت له اسفه ما ابي اروح .... قالي ليش .. قلت له لأن امك ... الصراحه غلطت في حقي وفي حق امي ,,, ولا حتى اعتذرت,,, وانا مو عيني فاضيه عشان اموت على ذهب بس السالفه فيها كرامه ...... المهم الظاهر زوجي حس ان والدته غلطانه ووصل الكلام لها ... وجتني امه ثاني يوم ....... تصورو ....
اول شي قعدت تقولي , انتي قدرك كبير وما ادري ايش وامك تزعل على خاتم ما يسوى والسالفه تافهه ... قلت لها خالتي السالفه .. مو تافهه وبعدين السالفه مو خاتم .. السالفه اني انا البس شي مو انتي الي شاريته ,,,,, تصدقون قعدت تحلف لي انها شاريته ,,,,, وراحت وتضاربت مع الهندي الي باعاها الخاتم ... والسالفه طبعا كلها جذب .. لأن ما في صايغ يبيع خاتم ما عليه ختم .. وثاني شي مصبوغ والا كان اتسجن .. المهم .. وطلعت من جيبها خاتم ثاني ... وحلفت اني اخذه وما ابي اقول لكم كيف شكله بس تصور و بخيل وطلع منه خاتم ...... المهم .. انا مشيت السالفه بكيفي ,, وقالت لي انها بتتصل في امي ,,, والله ما اتصلت إلى هذا اليوم ,,,,,, وامس البارح زوجي كان يتكلم ,,,, عن نفس الموضوع ... وقالي اصلا امي مااشترت خاتم ولا شي .. الخاتم كان معاطينها إياه .......... يعني امه كذابه ...... المهم انا ام زوجي طاحت من عيني من بعد الحركه .... وامي صارت علاقتها حساسه مع امي زوجي وزوجي تقريبا .... وانا الصراحه ما احب اروح ازورهم واذا زرتهم مو من نفسي ....... وكان الحل حق الموضوع من البدايه .... ان ام زوجي تتصل وتتعذر و ينتهي الموضوع .... بس هي حاطه في بالها ان احنا ما خذين موقف على هديه ,,,, والموضوع اكبر من جذي ..

انا ما احب اطول عليكم ..... ودي اكمل المشكله الثانيه ,,, بس اول شي ابي رايكم بالموضوع هذا عشان ما يتفرع وانزل المشكله الثانيه بعدين .
تحياتي لكم وسامحوني