والله أحاول قد ما أقدر إن حزني مايبان علي لأني ما أحب أحس بالضعف قدام الناس وإذا تضايقت أشكي لله ...
لكن أحياناً غصب يبين إذا أحد تكلم أو إذا شفت موضوع في التلفزيون أو الجريده وكذا يعني مثلاً اليوم كنت أقرا مجله وأشوف فيها عنوان عريض أن المرأه تكون في أوج تألقها وشبابها في الثلاثينات وفرحت قلت يالله باقي من العمر شوية شباب ولما قريبته كان مكتوب "" إن المرأه تشعر بالاستقرار النفسي و العاطفي لتكوينها أسره ورعايتها لأطفالها واستقرارها بإنهاد دراستها ""
طيب واللي ماعندها أسره ولا أطفال !!!! أكيد مارح تحس باستقرار !!!! أحس إني تضايقت غصب عني ورحت على النت عشان أقرا بعض من هالمواضييع اللي ترفع روحي المعنويه شوي ...
ومانقول إلا الحمد لله على كل حال لكن لاتلومونا لو جتنا حالات وعبسنا وحزننا ترانا بشر .. الحين المرأه لما تتزوج ومايجيها أطفال الكل مايلومها لو تبين حزنها رغم انها ممكن تكون مرتاحه مع زوجها --يعني محصله شي على الأقل-- لكن احنا حتى الحزن مانقدر نبينه لأنه عييييييييييييب الوحده تقول بتزوج ولأن نظرة أهلك لك رح تكون بايخه والأهم من كذا إحساسك بالشفقه وهذا اللي ما أقدر أتحمله ...........