الروبيان الصيني

المقااادير::

اولا:تجهزي خضار (جزر + كوسا (يقطع طوالي )
بصل (يقطع جوانح)

زنجبيل مبشور (ملعقة صغيره)
كاجو (اختياري)
ثانيا: روبيان منظف ومغسول

ثالثا: (عرانس ذره + فطر + ذره حب)

رابعا: الصوص وهو مكون من ( كوب ونص ماء + ملعقة نشا + ملعقتان صويا + مكعب ماجي )


الطريقة :::
اولا: نبدأ نقلي في مقلاه البصل

وبس يحمر نحطه في بايركس
وبعده نقلي الجزر ونحطه

وبعده الكوسا ونحطه

وبعدين نقلي الروبيان ونحط معه الزنجبيل ورشة فلفل أسود عشان الزفره

والكاجو للي يحب

وهكذا كل مانخلص نوع نحطه في بايركس

وبس نخلص نحط كل المقادير والصوص ونحرك

ونغطيه بالقصدير وندخله الفرن لين يستوي

ويقدم مع الرز او المعكرونه





دجاج بصلصة الكاري و الكاتشاب

المقادير :
- صدور دجاج منقعة بماي و طحين
- علبة كريما حمرا أو كوب من أي نوع كريما
- قيمر " قشطة " .. أنا استخدمت نستلة بس ممكن أي نوع
- أقل من ملعقة صغيرة كاري باودر " مجدي حلو "
- نصف ملعقة صغيرة جرام ماسالا أو أي بهار مخلوط
- فلفل بارد احمر و أخضر
- 4 ملاعق كبيرة كزبر أخضر
- بصل
- ثوم
- نصف ملعقة صغيرة كركم
- نصف ملعقة صغيرة كزبر باودر
- ملح و فلفل أسود
- 3 أو 4 ملاعق كبيرة كاتشاب من أي نوع

الطريقة :
- نقطع البصل و الفلفل البارد و الدجاج مكعبات
- نحمس البصل بالزيت . ثم نضيف الثوم و نقلب . و بعدها نضيف الدجاج . و نستمر بالخلط . و نضيف الفلفل البارد

- لما يبتدي ماء الدجاج ينشف نضيف الكركم و الفلفل الأسود و الكزبر الباودر و الكاري و الجرام ماسالا و نحمس لما تطلع ريحة حلوة و ينشف ماء الدجاج

نصيف الكريما .. و نستمر بالخلط

- نضيف الكاتشاب

و نتركه فترة لما تختلط المكونات بالحرارة .. و بعدها ضيفي القيمر .. بالأول نصف العلبه و خليها فترة .. إذا عجبك الطعم اكتفي بهالمقدار .. أو زيدي النصف الثاني من العلبه ..
و خليه يطبخ إلى أن يستوي الدجاج
و بعدها ضيفي الكزبر الأخضر قبل التقديم بعشر دقايق تقريبا

و هذا شكله النهائي بس للاسف لاني صورته من الموبايل طلع الشكل مو وايد حلو بس أهو فعلا لذيذ شكلا و مضمونا



دجاج محمر ومحشي بالرز واللحم
المقادير:
* شرائح سميكة من البطاطس والجزر
* خلطة رز مكونة من: شرائح بصل ، لحم مفروم ، رز ،
صنوبر ، زبيب ، نصف مكعب ماجي ، رشة بهارات + ملح
فلفل أخضر حار (حسب الرغبة) ، فصين ثوم ناعم
* دجاجة متبلة بالليمون والملح والفلفل الأسود
* نصف فنجان قهوة من معجون الطماطم مضاف إليه
ملعقتين كاتشب ، ملعقتين مايونيز ، نقاط من صلصلة الخردل
ملعقة صغيرة صلصة صويا ، رشة فلفل أسود
* بهارات مشكلة حسب ذوقك


الطريقة:
1- حضري خلطة الرز بقلي البصلة بالزيت ثم إضافة اللحم لها ثم الثوم
والبهارات والماجي والرز والصنوبر والزبيب وأخيراً الرز وماء يغطي الخليط
وغطيه حتى ينضج ثم اتركيه ليبرد تماماً

2- تبلي الدجاجة بالبهارات المشكلة

3- غطي الدجاجة بالصلصة وضعيها في صينية الفرن المدهونة بالزيت


4- احشي بطن الدجاجة بخلطة الرز باللحم ثم اغلقي البطن بأعواد الأسنان
وثبتي الرجلين والأجنحة أيضاً بالأعواد
4- وزعي البطاطس والجرز حول الدجاجة وضعي عليها ملعقة من الزيت
وغلفي الصينية جيداً بالألمنيوم وأدخليها فرن ساخن مسبقاً على درجة حرارة
متوسطة لمدة ساعة يمكن اكثر حسب فرنك وبعد ذلك ارفعي الألمنيوم وحمري الوجه قليلاً

عند التقديم اقطعي الدجاجة من النص واخرجي القليل من الرز للخارج
وإذا كان عندكِ زيادة من الخلطة سخنيها وضعيها حول الدجاج




دجاج مبخر

المقادير والطريقة
دجاجه او دجاجتييين مقطعين ارباع ومغسوليين
حطي عليهم ملح ... جهزي الجدر وحطي فيه زيت
اول ما يسخن نزلي الدجاج فيه ... وحمريه تمي قلبيه
اذا عندج مستكه دقيهااا ونثريها على الدجاج وهو يتحمر حمريه جيداااا

والحين شلي الدجاج وحطيه في طبق الفرن ... واخذي من الزيت اللي قليتي
فيه الدجاج وحطي عليه شويه منه ودخليه الفرن وخلي الدجاج يتحمر
وفي الجدر نفسه وعلى الزيت وعلى الباقي من التحميره حطي ليمون اسود + دارسيين + مسمار+ هيل+ ورق الغار هذه كلها تكون صحيحه حب يعني وحركي اشوي حتى الزيت ياخذ نكهة كل شي الحين حطي العيش (( اللي تكونين مجهزته ومغسلته . ومخليته في الماي مده اللي تبغينهأأأ )
طبعا حطي العيش في المشخاله
حتى تتخلصين من الماي .. وظيفيه حطيه في الجدر نفسه على طول من اتشلين الدجاج
تقلبين العيش( الرز) حتى ياخذ لون الخلطه اللي في قاعة الجدر وتحطين شوية ملح المقدار

اللي يضبط لج.... وتصبين ماي ساخن بمقدار بسيط فوق العيش حركي اشوي وسكريه بالقصدير
وخليه يستوي ... جيبي فحمه وحده وشبيهااا وجيبي ملة الشوربه وقصدريها وصبي فيها شويه زيت
افتحي الجدر وحطي المله في العيش وغرزيها شوي يعني دعسيها في العيش....وجيبي الجمره
بعد ما ستوت كلهاا حمرا وحطيها في الزيت ... وسكري الجدر زين بالقصدير اكتميه خلي البخار
يطلع في العيش وياخذ نكهة الشواء .

الحينه بعد وقت التقديم تنشبين العيش في طبق وتصفين الدجاج عليه بعد ما تحمر في الفرن...
وتقدمينه

منقول

يتبع

ان شاء الله عجبوكم هالاكلات نتابع غدا ن شاء الله

__________________


لا احلل نقل اطباقي دون ذكر المصدر

(ام علي وريما شخص واحد وهو انا )