بالنسبة لي كان كل شي واضح
يعني الشكل وشفته ( صج مو مزيون لكن فيه جاذبية وملح)
والشخصية حلوة وخفة دم واسلوب راقي في الكلام
كل هذا عرفته من خلال الماسنجر ومن خلال مواضيعه وردودة في الموقع
اما الاخلاق صج صعبة نحكم عليها من خلال كم كلمة على الماسنجر
لان الانسان مهما كان يحاول يظهر بصورة حلوة لكن فترة سنة كاملة فترة طويلة وعطتني فكرة كافيه عن اخلاقه
اضافة انه طوال هالفترة لم يتعدى حدود الادب بل كان راقي في معاملته لي
وبعدين اهلي راح يسألون اكثر عنه وعن اخلاقه حاله حال أي خاطب يتقدم عن طريق الاهل
أكثر شي حبيته فيه طيبته وخوفه الشديد علي وتفكيره الراقي وتحليله للامور
وللعلم اهو قال انه حب عقلي وشخصيتي قبل شكلي
لكن الشكل يهمه وقال لي اكثر من مرة اذا اهله جاؤوا يخطبوني وشافوني وما طلعت حلوة نظل اصدقاء واخوان فقط
مع اني متأكدة اني راح اعجبه
صليت صلاة استخاارة
وتوكلت على الله
قلت خلاص اليوم راح اعطيه
اعطيه اسمي الكامل ورقم تلفون البيت علشان يجي ويخطب
بس سبحان الله مدري ليه كان قلبي منقبض وكنت خااايفة
فكرت
قلت ليش ما اقطع الشك باليقين
طلبت منه انه يثبت لي صدق المعلومات
وانه فعلا بنفس الاصل والعمر اللي قاله
علشان اتأكد
لان كل المعومات اللي قالها عن نفسه كانت عن طريق الماسنجر حتى صورته شلون أتكد انها صورته فعلا؟؟؟